Nuus 09:00

BULLETIN 3 Mei 9 vm

Goeiemôre. Ek is……..

In die bulletin:

# Die DA kritiseer minister Simelane se stilswye oor die verslag na die ineenstorting van die George-gebou
# Die GOOD Party veroordeel toesig oor die George-gebou-ineenstorting as ‘n leë prestasie
# En, SANParke gaan voort met die grondevaluering van brandskade by Silvermine in Tafelberg Nasionale Park

# Die DA in die Wes-Kaap sê alle regeringsverslae oor die ineenstorting van die gebou in George sal aan voortgesette toesig onderwerp word. Die party het die minister van Menslike Nedersettings, Thembi Simelane, daarvan beskuldig dat sy haar openbare verklaring teruggetrek het dat die verslag van die Nasionale Huisbouersregistrasieraad oor laasjaar se tragedie wat 34 lewens geëis het, finaal was. Dirk Wessels van die DA het Simelane aangemoedig om ‘n duidelike en ondubbelsinnige openbare verklaring te maak oor die verslag se status en finalisering:

Intussen het Brett Herron van die GOOD party ook die Wes-Kaapse regering se toesig oor die George-gebou-ineenstorting gekritiseer en dit ‘n leë prestasie genoem. Hy sê die slagoffers se families is nie gerespekteer nie, aangesien die Parlement se Staande Komitee oor Infrastruktuur nie finale verslae gelewer het of belangrike amptenare ondervra het nie. Hy sê die provinsie maak slegs vae verwysings na “regsadvies”. Herron eis volle deursigtigheid, die ondervraging van ondersoekbeamptes, en aanspreeklikheid vir die 2024-tragedie:

# SANParke sê dit gaan voort met grondevaluering van brandskade by Silwermyn in die Tafelberg Nasionale Park in die Wes-Kaap. Dit volg na vertragings in die voltooiing van lugopnames weens slegte weer. Verskeie staproetes bly gesluit. Woordvoerder van SANParke, Charles Phahlane, sê die meeste loopbrûe is deur die brand vernietig, en beskadigde relings en roete-penne moet eers verwyder word voordat meer areas heropen kan word:

# Duisende mense in die kusstreke van Chili en Argentinië is na hoër gebiede ontruim toe Chileense owerhede ’n tsoenami-waarskuwing uitgereik het ná ’n aardbewing met ‘n sterkte van 7,4 aan die suidkus van die land. Die Amerikaanse Geologiese Diens sê die middelpunt was 219 kilometer van Ushuaia in Argentinië, die wêreld se mees suidelike stad. Die aardbewing het op ‘n vlak diepte van slegs 10 kilometer plaasgevind. Sowat 32 mense is ook by Chili se navorsingsbasisse in Antarktika ontruim. Chili word gereeld deur aardbewings geraak, aangesien drie tektoniese plate binne sy grondgebied bymekaarkom.

# En ten slotte netbal: Netbal Suid-Afrika het sy bestuur verdedig ná skerp ondervraging deur die Parlement oor Wêreldbeker-finansies en die skorsing van president Cecilia Molokwane. Netbal SA beweer hulle is onregverdig behandel en daar was geslagsdiskriminasie teen die vroulike leierskap. Hulle beweer dat hulle onder druk geplaas is om ingewikkelde finansiële vrae dadelik te beantwoord, ten spyte van parlementêre reëls wat tyd vir verifikasie toelaat. Hulle voer aan dat die manier van ondervraging billike bestuur ondermyn het en hul leierskap onregverdig geteiken was weens hulle geslag.

Bly ingeskakel vir meer nuus……………….