Nuus 09:00

BULLETIN 9 Desember 9 vm

Goeiemôre. Ek is……..

In die bulletin:

# Mbeki sê vernuwing is van kritieke belang vir die ANC se voortbestaan
# Meer as een-duisend-400 onwettige mynwerkers het myne in Noordwes verlaat
# En gholf: Die Amerikaner Johannes Veerman wen die Nedbank Golf Challenge

# Oudpresident Thabo Mbeki sê die vernuwingsproses in die ANC is noodsaaklik vir sy oorlewing. Hy het die ANC se Dullah Omar-streek in die Wes-Kaap gister toegespreek tydens ‘n bespreking met die titel “Uitdagings wat die ANC en die Nasionale Demokratiese Rewolusie in die gesig staar”. Mbeki sê die party moet ernstig introspeksie doen om vas te stel of hy nog genoeg vermoë het om die land te lei:

# Die parlementêre portefeuljekomitee oor Hoër Onderwys het die gebrek aan integrasie tussen universiteite en die Nasionale Finansiële Hulpskema vir Studente se stelsels veroordeel. Dit volg nadat die Spesiale Ondersoekeenheid 1,7-miljard-rand se fondse, wat nie toegeken is nie, by hoëronderwysinstellings herwin het. Dit is deel van sy ondersoek na bewerings van korrupsie en wanadministrasie by die skema se sake. Die komiteevoorsitter, Tebogo Letsie, sê die grootste slagoffers is die studente en die vernietigende uitwerking op hul lewens as die fondse nie betaal word nie.

# Die polisie sê een-duisend-420 onwettige mynwerkers het tot Vrydag by verskeie uitgewerkte mynskagte in Stilfontein, Noordwes na die oppervlak gekom terwyl Operasie Vala Umgodi voortduur. Die provinsie beskik oor ryk platinumneerslae asook chromiet, steenkool, uraan, goud en diamante. ‘n Polisiewoordvoerder, Adéle Myburgh, sê pogings duur voort om om te verseker dat diegene wat ondergronds is, na die oppervlak kom en vervolging in die gesig staar:

# Ghana se voormalige president John Dramani Mahama van die Nasionale Demokratiese Kongres het beloof om die nasie op ʼn pad van goeie regering en aanspreeklikheid te plaas. Hy het ʼn geskiedkundige verkiesingsoorwinning behaal en die Nuwe Patriotiese Party se bewind van agt jaar onder president Nana Akufo-Addo beëindig. Meningspeilings het voorspel dat Mahama sal wen te midde van wydverspreide ontevredenheid oor die land se ekonomie en ʼn krisis met onwettige goudmynbedrywighede. Vise-president Mahamudu Bawumia het sy nederlaag erken voordat die Verkiesingskommissie die uitslag amptelik aangekondig het.

# Gholf: Die Amerikaner Johannes Veerman het sy tweede Europese toertitel ingepalm deur die Nedbank-uitdaagreeks met een hou by Sun City te wen. Die 32-jarige het met 69 afgesluit vir ‘n totaal van vyf onder baansyfer. Aldrich Potgieter van Suid-Afrika het een hou na hom in die tweede plek geëindig, saam met Matthew Jordan van Engeland en die Fransman Romain Langasque. Die verdedigende kampioen, Max Homa, het met 75 afgesluit – gesamentlik 14de -vyf houe na die wenner. Veerman sê sy oorwinning was onbeskryflik:

# En die finansiële aanwysers: Die rand verhandel teen 18-rand-4-sent teen die dollar, 19-rand teen die euro en 22-rand-94-sent teen die pond. Bitcoin verhandel teen 99-duisend-340-dollar. Die prys van goud is twee-duisend-636-dollar-65-sent per fynons en die prys van Brent ruolie 71-dollar-23-sent per vat.

Bly ingeskakel vir meer nuus……………….