Nuus 09:00

BULLETIN 8 Desember 9 vm

Goeiemôre. Ek is……..

In die bulletin:

# Saftu verwerp die regering se vroeë aftreeplan vir staatsamptenare
# ActionSA verwelkom die beroep dat spazawinkels uitgehou moet word vir Suid-Afrikaners
# En krieket: Die Proteas vier hoogty met uitskeityd op dag drie op St Georgespark

# Saftu sê hy verwerp sonder voorbehoud die regering se plan om vroeë aftree-inisiatiewe in te stel vir staatsamptenare. Saftu-woordvoerder, Mogošadi Maserumule, sê dié kostebesparingsmaatreël, gemik op die verlaging van die staatsdiensloonrekening, bedreig dienslewering en stel die lewensbestaan van duisende werkersklas-gesinne in gevaar. Sy sê die Nasionale Tesourie het elf-miljard-rand toegeken om die program te befonds, gemik op vroeë aftrede vir nagenoeg 30-duisend werknemers:

# ActionSA Gauteng verwelkom die beroep deur die sekretaris-generaal van die ANC Fikile Mbalula dat spazawinkels en ander kleinondernemings streng net vir Suid-Afrikaners uitgehou moet word, asook die massadeportasie van buitelanders wat spazawinkels onwettig besit. Funzi Ngobeni van die party sê dit is ‘n reuse-oorwinning vir plaaslike entrepreneurs, asook burgerlike organisasies wat saam met ActionSA daarvoor gevra het:

# Die Kommissie vir Geslagsgelykheid sal Dinsdag seksuele teistering in hoër onderwys aanspreek deur middel van ‘n beleidsdialoog in Kaapstad. Die bespreking sal daarop fokus om doeltreffende maatreëls in te stel om voorvalle van teistering by universiteite te voorkom en te bestuur. Die kommissie se woordvoerder, Javu Baloyi, sê die beskerming van studente en personeel is van kardinale belang, en bepleit bewysgebaseerde beleide en aanspreeklikheid om menseregte in opvoedkundige instellings te handhaaf:

# Minstens vyf mense is gister dood in ‘n ontploffing in ‘n woonstelgebou in Den Haag, Nederland. Die owerhede sê die ontploffing het die drieverdiepinggebou deels laat ineenstort en ‘n brand veroorsaak. Vyf verskillende woonstelle is deur die ontploffing geraak. Die polisie vra ooggetuies wat dalk ‘n motor gesien het wat kort na die ontploffing van die gebou af weggejaag het, om na vore te kom. Dit is nie bekend hoeveel mense nog onder die puin is nie, maar die soektog het nou ‘n herwinningsending geword.

# En krieket: Die Proteas het met uitskeityd op dag drie hoogty gevier op 191 vir drie in hulle tweede beurt, vir ‘n algehele voorsprong van 221 in die tweede toets teen Sri Lanka op St Georgespark in Gqeberha. ‘n Eerste vyf-paaltjie-prestasie deur die veteraan Dane Paterson het die gashere gehelp om die besoekers vir 328 uit te boul, in antwoord op die Proteas se 358 almal uit in hulle eerste beurt. Temba Bavuma en Tristan Stubbs met ‘n vennootskap van 82 hervat vanoggend vir die Proteas.

Bly ingeskakel vir meer nuus……………….