Nuus 09:00

BULLETIN 7 Desember 9 vm

Goeiemôre. Ek is……..

In die bulletin:

# Die GOOD-party sê daar is geen voordeel vir Suid-Afrika in die verlenging van Janusz Waluś se verblyf in die land nie
# Die beleërde Franse president hoop op ‘n hupstoot uit die heropening van Notre Dame
# En krieket: Sri Lanka was in beheer teen die Proteas aan die einde van dag twee

# Die GOOD-party verwelkom die nuus oor die deportasie van Chris Hani se moordenaar Janusz Waluś. Brett Herron sê nadat hy twee jaar gelede op parool vrygelaat is, was daar geen voordeel vir Suid-Afrika in die verlenging van sy verblyf nie. Hy sê die hof het bo enige twyfel bevind Waluś en die wyle Suid-Afrikaanse regse leier Clive Derby-Lewis was verantwoordelik vir die sluipmoord op Hani:

# Die farmaseutiese groep Adcock Ingram Limited het ‘n besending Panado Pediatriese alkohol-vrye druiwegeur stroop in Suid-Afrika herroep. Dit is weens ‘n afsaksel wat aangetref is in die stroop se aktiewe bestanddeel, paracetamol. Volgens die maatskappy se mediese direkteur, Thiruvasan Govindsamy, is beide die 50ml en die 100ml produkte, wat onderskeidelik verval in Julie 2025 en Februarie en April 2026, betrokke. Govindsamy sê hulle verwag nie dat pasiënte newe-effekte sal ondervind nie, maar die produk word by verspreidingspunte herroep en nie van waar mense dit in hulle huise het nie.

# Die Franse president Emmanuel Macron hoop sy politieke lewe baat by vandag se seremoniële heropening van Notre Dame. Die plegtigheid herdenk die Katolieke Kerk se herontvangs van die katedraal, wat groot skade gelei het in ‘n brand in 2019. Die verkose Amerikaanse president Donald Trump, prins William en ander internasionale hooggeplaasdes sal aansluit by Macron, wat die opgeknapte katedraal wil voorhou as ‘n simbool van Frankryk se inherente bronne van skeppende krag. Die lankverwagte geleentheid gebeur terwyl Frankryk in diep onsekerheid gedompel is nadat eerste minister Michel Barnier se regering Woensdag ineengestort het.

# Krieket: Dit lyk of Sri Lanka gister beheer oorgeneem het in die tweede toets teen die Proteas op St Georgespark in Gqeberha. Pathum Nissanka se 89 was die hoeksteen van Sri Lanka se goeie antwoord, maar hy het ‘n toetshonderdtal misgeloop toe Keshav Maharaj hom uitgeknikker het. Suid-Afrika is uitgeboul vir 358, met ‘n eerste toets hondertal vir Kyle Verreynne op sy tuisgrond. Sri Lanka is 116 lopies agter met Angelo Matthews en Kamindu Mendis wat vanoggend spel hervat op 242 vir 3.

# En die Departement van Maatskaplike Ontwikkeling begin vandag met kaggelvuurgesprekke in Willowvale, in die Oos-Kaap. Hierdie inisiatief vind in samewerking met die Ubuntu Transformation-stigting plaas en wil mans betrek by die stryd teen geslagsgeweld en vrouemoord. Die departement se woordvoerder Bathembu Futshane, sê die stryd teen hierdie euwel vereis manlike rolmodelle en ‘n diepgaande ondersoek na geestesgesondheid en alkoholmisbruik:

Bly ingeskakel vir meer nuus……………….