Nuus 09:00

BULLETIN 2 Desember 9 vm

Goeiemôre. Ek is……..

In die bulletin:

# Die SAKP sal onafhanklik aan die 2026-verkiesing deelneem
# Die Johannesburgse Metropolisie beskerm Rea Vaya
# En Georgië verwerp ‘n beroep vir ’n nuwe verkiesing

# Die SAKP sê hy sal die 2026 plaaslike regeringsverkiesing onafhanklik van die ANC beveg. Al die wyses waarop dit toegepas gaan word sal volgende week uitgewerk word op die party se vyfde nasionale kongres. Die saak sal ook in Januarie bespreek word in hulle bilaterale samesprekings met die ANC. Die hoofsekretaris van die SAKP, Solly Mapaila, het aan eNCA gesê hulle wil die verkiesing wen en ‘n radikale transformasie-agenda aanvoer:

Mapaila voeg by hy glo nie die regering van nasionale eenheid gaan vyf jaar hou nie. Die SAKP is die ANC se alliansievennoot en is gekant teen die regering van nasionale eenheid, en veral die DA se insluiting daarby. Mapaila sê volgens hom gaan die DA voort met politiek en beleid teen die werkersklas, soos sy teenstand teen die minimumloon, BELA-wet en Nasionale Gesondheidsversekering:

# Die Stad Johannesburg sê die Metropolitaanse Polisiedepartement sal sy teenwoordigheid opskerp met die 45 Rea Vaya-toevoerbusse wat vandag hulle roetes in Soweto hervat. Die busse moes verlede Vrydag weer begin werk, maar taxi-operateurs het ‘n hofbevel verontagsaam en die busdiens ontwrig deur die pad met hulle patrolliemotors te blok. Die kwessie het ontstaan toe taxi-verenigings beweer het die toevoerbusse is ontplooi met verkeerde nommerplate, ‘n oortreding van woede in die vervoersektor ontketen het.

# Georgia se eerste minister, Irakli Kobakhidze, het ‘n oproep vir ʼn nuwe verkiesing verwerp te midde van betogings oor die regering se besluit om onderhandelings oor aansluiting by die Europese Unie op te skort. Spanning neem reeds maande lank toe tussen die regerende Georgiaanse Droomparty en sy teenstanders wat hom beskuldig van voorkeur aan outoritêre, anti-Westerse en pro-Russiese beleide. Georgia se pro-Westerse president, Salome Zourabichvili, vra dat druk toegepas word op die Konstitusionele Hof om Oktober se verkiesing, wat die Georgiaanse Droomparty gewen het, nietig te verklaar. Opposisiepartye beweer daar het knoeiery plaasgevind.

# Sokker: Liverpool het hulle leierskap boaan die Premierliga-punteleer vergroot deur die huidige kampioen Manchester City met 2-0 op Anfield te klop. Doele deur Cody Gakpo en Mo Salah het die oorwinning vir die Reds verseker, en hulle op elf punte voor City in die vyfde plek geplaas. City het nou vir die eerste keer sedert Augustus 2008 hulle laaste vier Premierligawedstryde verloor. Die span se bestuurder, Pep Guardiola, wat verlede maand ‘n nuwe tweejaar-kontrak geteken het, sê hy het steeds vertroue in sy spelers:

# En die finansiële aanwysers: Die rand verhandel teen 18-rand-15-sent teen die dollar, 19-rand-10-sent teen die euro en 23-rand-3-sent teen die pond. Bitcoin verhandel teen 96-duisend-291-dollars-11-sent. Die prys van goud is twee-duisend-629-dollar-58-sent per fynons en die prys van Brent ruolie is 72-dollar-22-sent per vat.

Bly ingeskakel vir meer nuus……………….