Nuus 09:00

BULLETIN 1 Desember 9 vm

Goeiemôre. Ek is……..

In die bulletin:

# Die MK-party vier sy eenjaar-herdenking met sterk ambisies
# Die Reserwebank lig finansiële strestoename uit vir huishoudings en klein-ondernemings
# En krieket: Die Proteas kraai koning in die eerste toets teen Sri Lanka

# Die voormalige president Jacob Zuma se MK-party het sy eenjaar-herdenking in Ekurhuleni gevier. Die party het vir die eerste keer aan vanjaar se algemene verkiesing deelgeneem en is die amptelike opposisie. Die sekretaris-generaal Floyd Shivambu sê die party is optimisties oor ‘n twee-derde meerderheid in die 2026-plaaslike regeringsverkiesing. Hy beklemtoon die party se mikpunt om progressiewe magte te verenig:

# Die Reserwebank se jongste Finansiële Bestendigheidsoorsig onthul toenemende finansiële stres vir huishoudings en klein-tot-medium ondernemings. Hoë rentekoerse, voortslepende globale konflikte, infrastruktuur wat breek en Suid-Afrika se gryslysstatus dra by tot die spanning. Die hoof van die Finansiële Bestendigheidsdepartement van die Reserwebank, Nicola Brink, sê lenings waar daar nie aan die voorwaardes voldoen word nie het opgeskiet van 257-miljard-rand in Maart 2023 tot 304-miljard-rand in Julie vanjaar:

# Die Brandweerdiens van die Kaapse Wynland-distriksmunisipaliteit het oornag aansienlik gevorder met die stryd teen ‘n brand op Paarlberg. Koeler weer en minder wind het gehelp met die bestryding, maar brandpunte en aktiewe brandlyne verg nog werk. Die woordvoerder Jo-Anne Otto sê lug- en grondspanne is steeks aktief teen waarskynlike opvlamming weens warm weer en die geil plantegroei. Sy bevestig brandbestrydings- en opruimingsoperasies duur vandag voort:

# Die president van Namibië se hoofopposisieparty, Independent Patriots for Change, Panduleni Itula, sê hulle sal onder geen omstandighede die uitkoms erken van die 2024 presidensiële en nasionale vergaderingverkiesing nie, wat ook al die uitkoms. Hy het gister op die laaste stemdag gepraat. Itula, wie se party hoop in Swapo se 34-jaar aan bewind te beëindig, sê regsreëls is ernstig verbreek. Die IPC sal probeer om die verkiesingsuitslag nietig verklaar te kry en voorspraak maak vir nog ‘n kans vir Namibiërs om te stem.

# En krieket: Suid-Afrika het gister met vasberade weerstand deur Sri Lanka se kolwers te doen gekry voor hulle die eerste toets op Kingsmead op die vierde dag met 233 lopies kon wen. Sri Lanka moes 516 aanteken om te wen, maar is vir 282 uitgeboul. Die hotklou-snelbouler Marco Jansen, wat grootliks gesorg het vir Sri Lanka se rekordlae eerstebeurttelling van 42, het vier paaltjies vir 73 laat kantel vir wedstrydsyfers van elf vir 86. In teenstelling met die eerste beurt, het die besoekers die Proteas gister laat werk vir hulle paaltjies. Die tweede toets begin Donderdag in Gqeberha.

Bly ingeskakel vir meer nuus……………….