Nuus 09:00
BULLETIN 27 November 9 vm
Goeiemôre. Ek is……..
In die bulletin:
# Die Ouditeur-generaal verhaal finansiële verliese van 3,39 miljard-rand
# Die staatsdiensvereniging vra vir dringende optrede na die brand by die Steve Biko Akademiese Hospitaal
# En Joe Biden sê die wapenstilstand tussen Israel en Hizbollah is ‘n geskiedkundige oomblik
# Die ouditeur-generaal Tsakani Maluleke sê sedert die instelling van die proses van wesentlike onreëlmatighede in 2019 het haar kantoor daarin geslaag om finansiële verliese van 3,39-miljard-rand te keer of te herwin. Sy het gister die Parlement ingelig oor die oudit-uitkomste van die nasionale en provinsiale regerings tydens die 2022/2023-boekjaar. Maluleke sê die proses dra steeds by tot verbeterde aanspreeklikheid en oorsig, sowel as die beskerming van staatsbronne:
# Die Departement van Basiese Onderwys sê Graad 4-leerders sal van volgende jaar af wiskunde in hulle moedertaal leer. Moedertaal-gebaseerde tweetalige onderrig was sedert 2010 ‘n projek in skole in die Oos-Kaap. Kunsmatige intelligensie sal gebruik word om die sukses te verseker van die instelling van ‘n moedertaalgebaseerde tweetalige onderwysprogram. Seliki Tlhabane van die departement sê as die taal van leer en onderrig en die huistaal dieselfde is, is leerders geneig om beter te presteer:
# Die Vereniging van Staatsamptenare het kommer uitgespreek oor die onderhoud aan hospitaalinfrastruktuur en voldoende brandveiligheidmaatreëls in staatsgesondheidsorggeriewe. Dit volg op ‘n brand verlede Saterdag in die Steve Biko Akademiese Hospitaal in Tshwane, wat uitgeloop het op die ontruiming van die waakeenheid. Die vereniging vra ‘n onmiddellike en volledige ouditering van die hospitaal se infrastruktuur, en van alle staatsgesondheidsorggeriewe, om brandgevare en ander risiko’s vas te stel.
# Die Amerikaanse president Joe Biden sê die 60-dae-skietstilstand waaroor in Libanon ooreengekom is deur Israel en Hizbollah is ontwerp om ‘n permanente opskorting van vyandelikhede te wees. Libanon beleef sy dodelikste konflik in dekades, waarin meer as drie-duisend-823 mense dood is. Biden sê die skietstilstand sal omstandighede skep vir standhoudende kalmte en laat beide lande toe om veilig na hulle huise terug te keer. Hy sê volhoubare sekerheid vir die mense van Israel en Libanon kan nie net op die slagveld bereik word nie:
# Sokker: Manchester City het ‘n voorsprong van drie doele weggegooi en hul Kampioeneliga-wedstryd teen Feyenoord op die Etihad-stadion het gelykop geëindig met drie elk. Pep Guardiola se span het nou ses wedstryde in alle kompetisies verloor. Arsenal is weer terug op die wenpad met ʼn oortuigende vyf-een-sege oor Sporting. Robert Lewandowski het die derde speler geword wat 100 doele in die Kampioeneliga aanteken toe Barcelona met drie-nul teen Brest gewen het. AC Milan, Bayern Munich en Atalanta het ook koning gekraai.
# En die finansiële aanwysers: Die rand verhandel teen 18-rand-17-sent teen die dollar, 19-rand-5 teen die euro en 22-rand-85-sent teen die pond. Bitcoin verhandel teen 92-duisend-652-79-sent. Die prys van goud is twee-duisend-637-dollar-18-sent per fynons en die prys van Brent ruolie is 72-dollar-91-sent per vat.
Bly ingeskakel vir meer nuus……………….