Nuus 09:00

BULLETIN 23 November 9 vm

Goeiemôre. Ek is……..

In die bulletin:

# President Cyril Ramaphosa sê die registrasie van spazawinkels is goed vir die formalisering van die township-ekonomie
# Die ANC herbevestig sy toewyding aan hernuwing nadat Jacob Zuma uitgeskop is 
# En motorsport: ‘n Vegas-nagmerrie vir Max Verstappen nadat Red Bull die verkeerde vlerk bring

# President Cyril Ramaphosa het die belangrikheid beklemtoon van die registrasie van spazawinkels om die township-ekonomie te formaliseer. Hy het gepraat tydens die Presidensiële Mikro-, Klein- en Medium-ondernemings en Koöperatiewe Toekennings. Hy het verwys na onlangse kommer oor voedselveiligheid wat verbind word met informele handelaars, maar klem gelê op hulle lewensbelangrike rol in die ondersteuning van plaaslike gemeenskappe en ekonomieë. Ramaphosa het ook die behoefte beklemtoon om kleinsake te integreer met die formele ekonomie:

# Die ANC het sy fokus op organisatoriese hernuwing herbevestig, nadat voormalige president Jacob Zuma uit die party geskop is. Die nasionale woordvoerder Mahlengi Bhengu-Motsiri beskryf die besluit as finaal, en moedig lede aan om dienslewering, lojaliteit, dissipline en gesamentlike aanspreeklikheid voorop te stel. Sy vra partylede om hulle weer te verbind tot dié beginsels, en lê klem op die belangrikheid daarvan vir die beweging se integriteit en Suid-Afrika se vooruitgang:

# Die DA doen ‘n beroep op nasionale eenheid om kinders teen die groeiende krisis van besmette voedsel te beskerm. Die party ondersteun planne deur die regering, insluitend ‘n gesamentlike fonds vir klein ondernemings, en stappe om skadelike chemikalieë in die informele sektor op te spoor. DA-woordvoerder, Willie Aucamp, verwelkom ook maatreëls om die Nasionale Skoolvoedingsprogram te verbeter om te verseker kinders ontvang veilige, voedsame maaltye. Aucamp is bekommerd oor die moontlike oorskryding van mag deur die nuutverklaarde ramptoestand:

# ‘n Tweede Australiese tiener is dood weens vermoedelike metanolvergiftiging, wat die getal buitelandse toeriste wat dood is nadat hulle glo besmette alkohol in Laos gedrink het op ses te staan ​​bring. Holly Bowles is na meer as ‘n week dood nadat sy in die toeristedorp, Vang Vieng, siek geword het. Die dood van haar vriendin, Bianca Jones, en ‘n Britse prokureur, Simone White, van Suidoos-Londen, is Donderdag bevestig. ‘n Onbekende Amerikaanse man en twee Deense vroue is ook slagoffers van die vermoedelike vergiftiging, klaarblyklik weens smokkelalkohol.

# En motorsport: Max Verstappen se droom om die naweek ‘n vierde agtereenvolgende bestuurderswêreldkampioenskap by die Las Vegas Grand Prix in te palm het ‘n terugslag beleef toe Red Bull onthul het hulle het die verkeerde agtervlerk gebring. Die senior raadgewer van die span Helmut Marko sê dit is te laat om die regte een betyds vir die wedren uit te vlieg na Vegas. Verstappen is 62 punte voor Lando Norris van McLaren en hoef net voor hom te eindig in Las Vegas om die sesde man te word wat vier wêreldkampioenskappe wen.

Bly ingeskakel vir meer nuus……………….