Nuus 09:00

BULLETIN 11 November 9 vm

Goeiemôre. Ek is……..

In die bulletin:

# ActionSA skryf aan die Speaker van die Parlement nadat hulle toegang tot polisiestasies geweier is
# Die Oos-Kaapse Onderwysdepartement is bekommerd oor ‘n toename in gevalle van voedselvergiftiging
# En uiterste weersomstandighede rig ekonomiese skade aan

# ActionSA sê hy gaan skryf aan die Speaker van die Parlement, Thoko Didiza, nadat een van sy lede van die Parlement, Dereleen James, by verskeie polisiekantore verhoed is om haar oorsigpligte uit te voer. Die party sê in een voorval by die polisiekantoor in Lenasia-Suid in Gauteng, het die stasiebevelvoerder James beveel om die kantoor te verlaat en gesê sy het niks daar uit te waai nie. James sê om LPs te verhoed om hulle oorsigpligte uit te voer is ‘n verbreking van demokratiese aanspreeklikheid:

# Die Parlement gaan oor die volgende drie jaar die salarisse van sy laagsbetaalde werkers, onder wie skoonmakers, kokke en kelners, verdubbel. Volgens die Sunday Times sal die werkers se jaarlikse verdienste styg van 170-duisend-rand na 340-duisend-rand, wat meer is as die tipiese salarisse van die land se intree-onderwysers en -polisiebeamptes. Die woordvoerder van die Parlement, Moloto Mothapo, sê die nuwe salarisaanpassing skakel effektief die onregverdige tweeledige stelsel uit en verseker dat alle intreewerkers, wat ook al hulle werkskategorie is, onder ‘n eenvormige betaalstruktuur val.

# Die Onderwysdepartement van die Oos-Kaap het ‘n memorandum uitgereik wat skole waarsku om waaksaam te bly te midde van die onlangse wydverspreide gevalle van voedselvergiftiging in die provinsie, en die sterftes wat daarmee gepaard gaan. In een geval is drie kinders tussen die ouderdomme van een die vier in Mdantsane dood aan vermeende voedselvergiftiging. Die woordvoerder van die departement, Mali Mtima, sê dit is gebiedend noodsaaklik vir skole om te hou by die riglyne van die voedselveiligheidsbeleid, soos uiteengesit in die Nasionale Skoolvoedingsprogram:

# Daar was ‘n geleidelike opwaartse tendens in die koste van uiterste weerstoestande tussen 2014 en 2023, met ‘n vinnige oplewing in 2017 toe ‘n aktiewe orkaanseisoen Noord-Amerika geteister het. Dit blyk uit ‘n verslag waarvoor opdrag gegee is deur die Internasionale Sakekamer. Die verslag, wat vier-duisend klimaatsverwante uiterste weerstoestande ontleed het, het bevind ekonomiese skade het, net oor die afgelope twee jaar, opgeskiet na sewe-duisend-miljard-rand. Die sekretaris generaal van die kamer, John Denton, sê data toon beslis klimaatsverandering is nie ‘n probleem wat net in die toekoms wag nie.

# Tennis: Die wêreld se nommer een, Jannik Sinner van Italië, en die Amerikaner Taylor Fritz het goed begin in die Ilie Nastase-groep van die ATP-jaareindtoernooi in Turyn. Sinner het Alex de Minaur met 6-3, 6-4 geklop en sy perfekte rekord teen die Australiese sewende-gekeurde uitgebrei. Fritz het sy 50-ste oorwinning van die jaar behaal toe hy die Rus, Daniil Medvedev, met 6-4, 6-3 verslaan het. Sinner, wat nou sewe agtereenvolgende toervlak-wedstryde gewen het, sê hy is tevrede met sy spel:

# En, die finansiële aanwysers: Die rand verhandel teen 17-rand-61-sent teen die dollar, 18-rand-87-sent teen die euro en 22-rand-74-sent teen die pond. Bitcoin verhandel teen 81-duisend-600-dollar-85-sent. Die prys van goud is twee-duisend-669-dollar-82-sent per fynons en die prys van Brent ruolie is 73-dollar-55-sent per vat.

Bly ingeskakel vir meer nuus……………….