Nuus 09:00

BULLETIN 23 September 9 vm

Goeiemôre. Ek is……..

In die bulletin:

# Politieke partye en onafhanklike kandidate sal vandag die Verkiesingsgedragskode onderteken
# TLU SA verwelkom die private sektor se hulp om die tekort aan entstowwe teen bek-en-klouseer aan te spreek
# En die Britse eerste minister beskuldig Rusland dat hy ‘n disinformasieveldtog voer

# Politieke partye en onafhanklike kandidate wat aan die plaaslikeregeringsverkiesing in November deelneem, gaan vandag die Gedragskode in Midrand, Gauteng, onderteken. Hulle sal hul toewyding bevestig om die Verkiesingsgedragskode na te kom en die nuwe Kode oor die Bekamping van Waninligting te ondersteun. Die kode sit die gedragstandaarde tydens die verkiesingstydperk uiteen, met gevolge soos deur die wet bepaal indien dit oortree word. Volgens die Verkiesingskommissie is 136-duisend-790 kandidate gesertifiseer om mee te ding vir tien-duisend-526 raadsetels.

# Die landbou-organisasie TLU SA verwelkom die regering se besluit om die privaat sektor te betrek by die produksie van bek-en-klouseer-entstof in Suid-Afrika. Die Landbounavorsingsraad het ‘n voorstel van die minister van Landbou, Willie Aucamp, aanvaar om privaat maatskappye wat kwalifiseer toe te laat om die raad se intellektuele eiendom te gebruik om die entstof op groot skaal te vervaardig. Die regering wil produksiebeperkings te midde van die uitbreking aanspreek. Bennie van Zyl van TLU SA sê dis ŉ belangrike stap om die land se landbousektor te beskerm:

# Die Vryheidsfront Plus sê hy is bekommerd dat kwintiel 5-staatskole in Gauteng in die 2027/2028-boekjaar slegs ŉ geringe subsidie-verhoging gaan kry. Premier Panyaza Lesufi het bevestig dat die subsidie met slegs 4,4-persent, van 315-rand tot 329-rand per leerder, gaan verhoog. Anton Alberts van die VF Plus sê Lesufi skryf die karige verhoging toe aan begrotingbeperkings, onder meer die kleiner toelaag van die Nasionale Tesourie en die terugbetaling van e-tolskuld:

# Die Britse eerste minister, Andy Burnham, beskuldig Rusland van inligting-oorlogvoering en pogings om tydens sy land se verkiesing in 2019 in te meng. Hy het in sy eerste groot internasionale toespraak by die Verenigde Nasies se Algemene Vergadering in New York, uitgevaar oor Rusland se vermeende pogings om leuens en waninligting te versprei. Burnham beweer die Kremlin bestee elke jaar ongeveer 28-miljard-rand om inligting te manipuleer. Burnham het ŉ nuwe nasionale sentrum vir die verdediging van inligting bekendgestel om vals inligting wat vyandige state met kunsmatige intelligensie skep, op te spoor en te ontwrig:

# Krieket: Will Jacks het met die kolf en die bal geskitter in Engeland se oorwinning van 89 lopies oor Sri Lanka in Durham. Engeland het nou ‘n 1-0-voorsprong in die eendagreeks van drie wedstryde. Kaptein Harry Brook was die beste kolwer met 67 lopies, met Jacks op 46 nie uit nie. Die tuisspan het ‘n totaal van 265 gejaag maar is binne 37 boulbeurte vir 176 uitgeboul. Jacks het sy beste vertoning van sy loopbaan gelewer met vyf paaltjies vir 22 lopies. Engeland kan môre op Headingley ‘n derde agtereenvolgende eendagreeks beklink, met nog ‘n wedstryd oor.

# En die finansiële aanwysers: Die rand verhandel teen 16-rand-18-sent teen die dollar, 18-rand-50-sent teen die euro en 21-rand-55-sent teen die pond. Bitcoin verhandel teen 87-duisend-133-dollar. Die prys van goud is vier-duisend-345-dollar-52-sent per fynons en die prys van Brent ruolie 98-dollar-76-sent per vat.

Bly ingeskakel vir meer nuus……………….