Nuus 08:00

BULLETIN 26 Augustus 8 vm

Goeiemôre. Ek is……..

In die bulletin:

# Nkosazana Dlamini-Zuma trek haar bewerings van stemkoop teen Ronald Lamola terug
# BOSA eis optrede teen diegene wat verantwoordelik is vir sterftes weens gebrekkige munisipale infrastruktuur
# En Paul McCartney, Elton John en Donald Trump bring hulde aan Dolly Parton

# Die ANC se NUK-lid, Nkosazana Dlamini-Zuma, het opmerkings teruggetrek wat sy op die African Renaissance Podcast teen die minister van Internasionale Betrekkinge en Samewerking, Ronald Lamola, gemaak het. Sy het hom en ANC-sekretaris-generaal, Fikile Mbalula, beskuldig dat hulle in die party se 2017 en 2022 Nasionale Konferensies stemme gekoop het, maar albei ontken dit. Dlamini-Zuma het beweer ‘n oudio-opname betrek Lamola direk. Sy sê egter nou dat sy na ŉ verduideliking verskoning vra vir haar opmerkings. Sy sê kommer oor die invloed van geld in ANC-leierskapstryde moet aangespreek word.

# Die leier van Build One South Africa, Mmusi Maimane, het president Cyril Ramaphosa gevra om op te tree teen dié wat verantwoordelik is vir die dood van meer as 100 Suid-Afrikaners weens landwye munisipale infrastruktuurmislukkings. Die voorvalle sluit in die Hammanskraal-cholera-uitbraak en die brand in die Usindiso-gebou. Maimane vra duidelike tydlyne en spesifieke datums vir wanneer Ramaphosa sal reageer op hierdie sterftes wat onder sy administrasie plaasgevind het:

# Die waarnemende minister van Polisie, Firoz Cachalia, het ondersoekbeamptes geprys vir die vordering in die ondersoek na ‘n reeks moorde in Knysna in die Wes-Kaap. Cachalia het die dorp besoek na die moorde op voormalige Knysna-burgemeester Aubrey Tsengwa en twee ander mans in afsonderlike voorvalle verlede week. Die woordvoerder van die Ministerie van Polisie, Kamogelo Mogotsi, sê vier verdagtes is in aanhouding en staan tereg op aanklagte van sameswering om Tsengwa te vermoor, terwyl die ondersoek na die ander twee moorde voortduur:

# Tennis: Italië se wêreld-nommer-ses, Flavio Cobolli, en sy Switserse spanmaat, Belinda Bencic, het die Amerikaner Serena Williams en Spanjaard Carlos Alcaraz geklop om die Amerikaanse Ope Gemengde Dubbelspel-kampioenskap se halfeindronde te haal. Die topgekeurdes, Novak Djokovic van Serwië en Aryna Sabalenka van Belarus, is deur die Brit, Henry Patten, en Tsjeg, Katerina Siniakova, uitgeskakel. Die getroude paartjie Elina Svitolina van Oekraïne en die Fransman Gael Monfils, die Russiese paar Mirra Andreeva en Andrey Rublev, en die Tsjegge, Karolina Muchova en Jakub Mensik, is ook deur na die halfeindronde.

# Die finansiële aanwysers: Die rand verhandel teen 15-rand-91-sent teen die dollar, 18-rand-56-sent teen die euro en 21-rand-70-sent teen die pond. Bitcoin verhandel teen 79-duisend-43-dollar. Die prys van goud is vier-duisend-648-dollar-71-sent per fynons en die prys van Brent ruolie 87-dollar-56-sent per vat.

# En ten slotte: Huldeblyke stroom in na die dood van die 80-jarige countrymusiek-legende, Dolly Parton. Haar span het bevestig dat sy gesterf het na ŉ kort kankerstryd. Die Beatles-legende, Paul McCartney, het Parton ŉ skitterende ster genoem, terwyl Elton John haar beskryf as ŉ onvervangbare reus van die kunste. Beyoncé het Parton bedank vir haar hartlikheid, vrygewigheid en humor. President Donald Trump van Amerika het opdrag gegee dat die nasie se vlae ter ere van haar halfmas hang. Hy sê daar was nog nooit een soos sy nie en daar sal nooit weer wees nie.

Bly ingeskakel vir meer nuus……………….