Nuus 08:00

BULLETIN 19 Julie 8 vm

Goeiemôre. Ek is……..

In die bulletin:

# Paul Mashatile sê Suid-Afrika het steeds beduidende watervoorsieningsuitdagings
# Die ANC moedig Suid-Afrikaners aan om as kiesers te registreer ter ere van Nelson Mandela se nalatenskap
# En rugby: Die Bokke verpletter Wallis weer

# Adjunkpresident Paul Mashatile sê Suid-Afrika het steeds aansienlike watervoorsieningsuitdagings in baie dele van die land. Hy het gister in Babanango, KwaZulu-Natal, gepraat by die bekendstelling van die program vir gemeenskappe wat nie toegang tot water het nie. Hy sê klimaatsveranderlikes, verouderende infrastruktuur, bevolkingsgroei, vandalisme en gebrekkige besteding het toenemende druk op die land se waterstelsels geplaas. Mashatile sê deur hierdie uitdagings te erken, het die regering watersekerheid nasionaal as van kardinale belang geprioritiseer:

# Die vakbondfederasie Cosatu sê ongelykheid bly die grootste bydraer tot die pynlike lyding en ervarings van miljoene Suid-Afrikaners. Cosatu se woordvoerder, Nonzuzo Dlamini, sê welgestelde mense is afgesonder van die daaglikse ekonomiese uitdagings waarmee baie Suid-Afrikaners worstel. Sy sê die werkers- en middelklas sukkel om te oorleef in ‘n swak ekonomie, met 43,7-persent werkloosheid, diepgewortelde misdaad en korrupsie, stygende lewenskoste en 82-persent van Suid-Afrikaanse huishoudings wat in skuld verval is:

# Die ANC moedig alle Suid-Afrikaners aan om ter ere van oudpresident Nelson Mandela se nalatenskap, te registreer as kiesers vir die plaaslike verkiesing in November. Die Verkiesingskommissie het tydens die registrasienaweek 2,9-miljoen registrasies aangeteken. Dit is ‘n verbetering ná die 1,7-miljoen tydens die registrasienaweek vir die vergelykbare verkiesing in 2021. Die ANC se waarnemende woordvoerder, Nonceba Mhlauli, sê die Kommissie het 1 en 2 Augustus aangekondig as die finale registrasienaweek vir die komende verkiesing.

# Die Interministeriële Komitee oor Migrasie het die regering se verbintenis herbevestig om humanitêre hulp te verleen aan kwesbare buitelandse burgers wat geraak word deur voortdurende betogings teen migrante. Dit volg nadat die Siyafana Sonke-aksieveldtog bekommerd was oor die behandeling van migrante en buitelandse burgers in Suid-Afrika. Hulle het gevra vir groter humanitêre ondersteuning, beskerming van kwesbare mense en duidelikheid oor repatriasieprosesse. Die komitee sê regeringsdepartemente, provinsiale administrasies, munisipaliteite, gesondheidsowerhede en humanitêre organisasies werk saam om gesondheidsorgdienste, voedsel, water, sanitasie en maatskaplike ondersteuning aan geaffekteerde individue te verskaf.

# Amerika het sy aanvalle op Iran hervat nadat hy vroeër aangekondig het dat twee Amerikaanse militêre personeellede in Jordanië dood is en nog een vermis word na ‘n Iranse aanval. Die jongste voorval bring die aantal Amerikaanse soldate wat sedert die begin van die oorlog dood is, op 16 te staan, terwyl meer as 420 gewond is. Die konflik, wat begin het met Amerikaanse en Israelse aanvalle op Iran teen die einde van Februarie, het gelei tot reuse-ontwrigting van energievoorrade, vrese oor wêreldwye inflasie en ‘n stryd om die beheer oor die Straat van Hormoes.

# En rugby: Die Springbokke het seker gemaak hulle sluit hul tuisveldtog van die Nasieskampioenskap af met sewe drieë in ‘n oortuigende 43-0 oorwinning oor Wallis op Kings Park in Durban. Dit was die derde agtereenvolgende wedstryd wat die Bokke met ‘n bonuspunt gewen het, wat beteken hulle het tot dusver die maksimum punte uit hul wedstryde verdien. Dit plaas hulle gelyk met die All Blacks in die suidelike groep, maar hulle is steeds voor op punteverskil. Die nuwe kompetisie neem nou ‘n blaaskans totdat die spanne uit die suidelike halfrond in November die noorde aandurf.

Bly ingeskakel vir meer nuus……………….