Nuus 08:00

BULLETIN 13 Januarie 8 vm

Goeiemôre. Ek is……..

In die bulletin:

# Die regering meen die Internasionale Geregshof moet optree ondanks onlangse hulpverlening aan Gaza
# Die IMF verwag voortgesette veerkragtigheid in globale ekonomiese groei
# En, rugby: Bulle, Stormers het twee wedstryde om plek te bespreek in volgende ronde van Kampioenebeker

# Die direkteur-generaal van Internasionale Betrekkinge en Samewerking, Zane Dangor, sê die regering se versoek vir voorlopige maatreëls in Gaza staan stewig. Hierdie verklaring kom in samehang met die regering se aanbieding van ‘n saak van volksmoord teen Israel voor die Internasionale Geregshof in Den Haag, Nederland. Die president van die hof, Joan Donaghue, sê ŉ besluit oor die versoek is op hande. Dangor het Israel se aanspraak verwerp dat Suid-Afrika se regspan Hamas verdedig het, en veroordeel Hamas vir die aanval op 7 Oktober:

Intussen is ‘n standbeeld van aartsbiskop Desmond Tutu wat ‘n spesiale serp met ‘n Palestynse-Afrika ontwerp dra, by die Ou Graanskuur-gebou in Kaapstad onthul. Die Desmond en Leah Tutu-stigting se uitvoerende hoof, Janet Jobson, verduidelik die standbeeld is deel van ‘n voortdurende protes teen Israel se oorlog in Gaza. Die standbeeld, versier met ‘n Palestynse serp met ‘n spesiale Afrika-ontwerp, sal daagliks uitgestal word totdat die konflik ophou. Jobson sê dit is in solidariteit met die mense van Gaza.

# Die Parlement het die versekering gegee alle Parlementslede sal kantoorruimte hê wanneer die nuwe sitting oor ‘n paar weke begin. Ná jare se afstandwerk en hibriede sittings weens Covid-19 en ‘n brand wat die kompleks beskadig het, sal die bou van 155 nuwe kantore en komiteekamers lede in staat stel om hul werk in Kaapstad te hervat. Die woordvoerder, Moloto Mothapo, het aan SABC News gesê die parlementêre werksruimte is gereed om te gebruik:

# Die Internasionale Monetêre Fonds verwag vanjaar voortgesette veerkragtigheid in globale ekonomiese groei na ŉ sterker as verwagte 2023. Woordvoerder Julie Kozack verwag ŉ sagte landing vir die globale ekonomie met inflasie wat afneem en robuuste arbeidsmarkte. Sy beklemtoon egter die behoefte aan pogings om globale groeikoerse te verhoog bo die bestaande lustelose drie-persent. Hoewel die IMF optimisties bly, gee Kozack toe daar is ŉ risiko dat lande met ŉ lae inkomste nog verder agter gaan raak.

# En, laastens, rugby: Die Bulle en die Stormers het twee wedstryde om hulle plek te bespreek onder die boonste vier in die Kampioenebeker om na die volgende ronde deur te dring. Die Bulle speel vandag in Engeland teen die Bristol Bears terwyl die Stormers in Kaapstad gashere is vir die Engelse span Sale Sharks. Albei Suid-Afrikaanse spanne het een van hulle vorige twee wedstryde gewen en die ander een verloor. Die Stormers se voorspeler-afrigter, Rito Hlungwani, verwag ŉ fisieke stryd teen Sale, wat met ŉ hele paar Suid-Afrikaanse spelers spog:

Bly ingeskakel vir meer nuus……………….