Nuus 08:00

BULLETIN 27 Augustus 8 vm

Goeiemôre. Ek is……..

In die bulletin:

# Die EFF doen ‘n beroep op die regering om die polisie te versterk
# Trump wil die doodstraf hê vir alle moordsake in Washington
# En tennis: Sinner en Swiatek is vroeë wenners by die Amerikaanse Ope

# Die EFF sê Statistiek Suid-Afrika se jongste opname oor bestuur, openbare veiligheid en justisie bevestig dat landsburgers onder beleg van misdaad is terwyl die regering min verligting bied. Die opname toon daar was in die 2024/2025-boekjaar na raming 1,5-miljoen inbrake by wonings. Altesaam 811-duisend voorvalle van verbruikersbedrog is aangemeld wat 566-duisend slagoffers geraak het. Die EFF sê die regering moet sy polisiëringsvermoë herstel en versterk, sy ondersoekvermoë ten volle befonds om skuldigbevindings te verbeter en korrupsie in die polisie en regstelsel uitroei.

# Die leier van ActionSA, Herman Mashaba, sê daar is geen wetenskaplike bewys dat die vraghouer wat met drie mynwerkers van Lily Myn in ‘n mynskag geval het, nie teruggevind kan word nie. Yvonne Mnisi, Pretty Nkambule en Solomon Nyerende was in 2016 vasgevang in ‘n houer wat by die Lily Myn in Barberton in ‘n sinkgat geval het. Mashaba sê hulle sal voortgaan om druk op die regering te plaas totdat die oorskot van die drie werkers herwin is:

# Die vakverbond Cosatu het die minister van Finansies, Enoch Godongwana, geprys dat hy die problematiese Pensioenadministrasie-agentskap oorgeneem het. Dit volg na verslae wat aandui dat die agentskap ‘n huurkontrak van amper een-miljard-rand onderteken het vir ‘n gebou waartoe hulle nie toegang het nie. Godongwana het Stadi Mngomezulu van die Tesourie aangestel as waarnemende uitvoerende hoof terwyl die agentskap se hoof, Kedibone Madiehe, ondersoek word. Cosatu vra vir die vervolging van die oortreders en die herwinning van die miljoene wat alreeds betaal is, om die aftrede-spaargeld van 1,7-mijoen werkers en pensioenarisse te beskerm.

# President Donald Trump van Amerika sê sy administrasie sal die doodstraf vra in moordsake in Washington, DC. Die meeste moorde in Washington word onder plaaslike wetgewing hanteer, maar aanklaers mag die doodstraf vra vir misdade wat onder federale reg val. Trump het in Januarie op die eerste dag van sy administrasie ‘n uitvoerende bevel onderteken om weer die federale doodstraf in te stel. Hy sê die doodstraf sal ʼn voorkomende maatreël wees:

# Tennis: Die wêreld-nommer-een, Jannik Sinner, het sy poging om twee agtereenvolgende Amerikaanse Ope-titels te wen, afgeskop met ʼn oorwinning teen die Tsjeg, Vit Kopriva. Die Italianer kom volgende teen die Australiër, Alexei Popyrin, te staan wat Emil Ruusuvuori van Finland in skoon stelle geklop het. Alexander Bublik van Kasakstan het die 2014-kampioen, Marin Cilic van Kroasië, uitgeskakel. In die vroueafdeling het Iga Swiatek van Pole maklik met Emiliana Arango afgereken terwyl Naomi Osaka van Japan die Belg, Greet Minnen, afgeransel het om haar plek in die tweede ronde te verseker.

# En die finansiële aanwysers: Die rand verhandel teen 17-rand-63-sent teen die dollar, 20-rand-50-sent teen die euro en 23-rand-72-sent teen die pond. Bitcoin verhandel teen 111-duisend-73-dollar. Die prys van goud is drie-duisend-381-dollar-87-sent per fynons en die prys van Brent ruolie 66-dollar-68-sent per vat.

Bly ingeskakel vir meer nuus……………….