Nuus 08:00

BULLETIN 8 Desember 8 vm

Goeiemôre. Ek is……..

In die bulletin:

# Eskom begin geleidelik sy beplande onderhoudswerk vermeerder
# Die EFF is gekwel deur die deportasie van Chris Hani se sluipmoordenaar Janusz Waluś
# En rugby: Die Blitsbokke is deur na die Kaapstadse Sewes-halfeindstryd

# Eskom sê met die somervakansie wat naderkom en talle nywerhede wat sluit vir die tydperk, het hy geleidelik begin om sy beplande onderhoudbedrywighede te vermeerder om die betroubaarheid van sy opwekkingsvloot verder te verbeter. Woordvoerder, Daphne Mokwena, sê die kragnutsmaatskappy se energiebeskikbaarheidsfaktor was die afgelope week gemiddeld 59,4-persent, en jaar-tot-jaar 62,8-persent. Die stasies wat die beste gevaar het, waaronder Majuba, Medupi en piekstasies, het ‘n gemiddelde beskikbaarheid gehad van 70-persent en meer:

# Die EFF sê hy is gekwel deur die deportasie sonder geregtigheid van wie hy noem ‘n regsgesinde rassis en sluipmoordenaar van die vryheidsheld Chris Hani. Janusz Waluś keer sal na Pole terugkeer na afloop van sy parool van twee jaar, wat in 2022 toegestaan is. Die EFF sê wat die ergste seermaak is dat Mama Limpho Hani, vir meer as 30 jaar geregtigheid vir haar man gevra het, maar dit nou nie sal kry nie. Die party sê diegene wat Hani hulle kameraad genoem het, het nou sy moordenaar vrygelaat.

# Siriese rebellemagte beweer hulle het Damakus ingeval, en neem sleutelposisie in die hoofstad in. Reuters berig twee senior Siriese weermagoffisiere sê president Bashar al Assad het op ‘n vliegtuig uit Damaskus gevlug na ‘n onbekende bestemming. Amerikaanse amptenare het aan CNN gesê sy regime kan binnekort tot ‘n val kom. Die rebelle sê hulle is in verbinding met senior lede van Assad se regime, wat oorweeg om oor te loop. Siriese rebelle sê ook hulle het die derde-grootste stad Homs “totaal bevry”, net ‘n week nadat hulle Aleppo ingeneem het.

# Rugby: Die Blitsbokke het gisteraand deurgedring na die beker-halfeindstryd van die Kaapstad Sewes met ‘n oortuigende 29-5-oorwinning oor Argentinië in hulle laaste groepswedstryd in die Kaapstad Stadion. Die naweek se verkorte formaat beteken die wedstryd was in werklikheid ‘n kwarteindstryd, met net die groepswenners wat deurdring na die beker-halfeindstryd. Die Blitsbokke kom vandag te staan teen Spanje, met Fidji en Frankryk wat mekaar pak in die ander halfeind. Suid-Afrika het vroeër Ierland 36-7 in hulle aanvangswedstryd ore aangesit.

# En om mee af te sluit, skenkers aan die Santa-skoenboksprojek het weer eens saamgespan om minderbevoorregde kinders reg oor Suid-Afrika en Namibië te steun, met 74-duisend-751 skoenbokse wat vanjaar geskenk is. Die uitvoerende hoof van die projek, Deb Zelezniak, sê hoewel sy gehoop het om 75-duisend kinders in 2024 te bereik, is die oorskreiding van verlede jaar se totaal terwyl mense steeds finansieel herstel ‘n uitstaande prestasie. Sy sê afgesien van die getalle is dit die uitwerking op die kinders wat regtig saakmaak:

Bly ingeskakel vir meer nuus……………….