Nuus 08:00

BULLETIN 27 November 8 vm

Goeiemôre. Ek is……..

In die bulletin:

# Die MK-party verwerp ‘n privaat lede wetsontwerp om die las op die NVG te verlig
# Die Departement van Basiese Onderwys sukkel met onderbesteding in al die provinsies
# En nege verdagtes is gearresteer tydens ‘n mislukte ontvoering

# Die MK-party het Glynnis Breytenbach van die DA se wetsontwerp vir privaat lede om ‘n onafhanklike teenkorrupsiekommissie aan te stel, verwerp. Die Grondwet se 21ste Wysigingswetsontwerp sal die teenkorrupsiekommissie aanstel om ernstige korrupsie en hoëvlak- georganiseerde misdaad te ondersoek en te vervolg. ŉ MK-woordvoerder, Mzwanele Manyi, sê die teenkorrupsiekommissie sal lei tot die duplisering van mandate, institusionele verbrokkeling en oorvleueling met die Nasionale Vervolgingsgesag en die Valke:

# Die Departement van Basiese Onderwys sê provinsies se onderbesteding aan infrastruktuur bly ŉ groot probleem. Limpopo het teen middel-November net 41-persent van sy toegekende begroting van 1,5-miljard-rand bestee. Die Oos-Kaap het 1,8-miljard-rand vir die 2024-2025-boekjaar ontvang en 70-persent van sy begroting gebruik. Die departement se direkteur-generaal, Mathanzima Mweli, sê hulle sal voortgaan om fondse te verskuif van provinsies wat nie hul toegekende begrotings doeltreffend gebruik nie.

# Gautengse polisie het Dinsdag nege verdagtes in hegtenis geneem en op drie vuurwapens en ŉ voertuig beslag gelê tydens ŉ mislukte kaping in Ivory Park. Die polisie het tydens ŉ operasie toegeslaan op ŉ sindikaat wat ŉ sakeman van Benoni wou ontvoer. Die polisiewoordvoerder, Amanda van Wyk, sê nog ŉ verdagte wat onlangs uit die tronk vrygelaat is, is noodlottig gewond:

# Israel en die militante groep, Hizbollah, het ingestem tot ŉ Amerikaans-gesteunde skietstilstand-ooreenkoms in Libanon. Tydens die skietstilstand van 60 dae sal Israelse soldate geleidelik uit die suide van Libanon onttrek terwyl die Libanese regering beheer kry oor ŉ gebied wat Hizbollah tans beheer. Israel se eerste minister, Benjamin Netanyahu, sê daar is drie redes vir die skietstilstand. Hulle gaan op die bedreiging uit Iran fokus, wapenvoorrade aanvul en Hamas isoleer. Hy waarsku dat Israel nie sal huiwer om toe te slaan indien Hizbollah die ooreenkoms verbreek nie.

# Rugby: Ierland gaan Saterdag se toets in Dublin teen Australië sonder vier staatmakers moet aanpak. Jamie Osborne en Jacob Stockdale is Saterdag in hulle 52-17-sege teen Fidji beseer. Ryan Baird het vroeër die maand ŉ hoofbesering opgedoen in hul oorwinning oor Argentinië terwyl Tadhg Furlong weens ŉ dyspier-probleem nog nie hierdie maand gespeel het nie. Die voorspeler-afrigter, Paul O’Connell, sê die kragmeting teen Australië gaan ŉ groot uitdaging wees:

# En die finansiële aanwysers: Die rand verhandel teen 18-rand-19-sent teen die dollar, 19-rand-6 teen die euro en 22-rand-86-sent teen die pond. Bitcoin verhandel teen 92-duisend-690-dollar. Die prys van goud is twee-duisend-636-dollar-19-sent per fynons en die prys van Brent ruolie 72-dollar-74-sent per vat.

Bly ingeskakel vir meer nuus……………….