Nuus 08:00

BULLETIN 25 November 8 vm

Goeiemôre. Ek is……..

In die bulletin:

# Die ANC sê die drieparty-alliansie moet beskerm word
# Die SANW beëindig sy Kubaanse mediese opleidingsprogram van 2,6 miljard rand
# En City Power verleng die grasietydperk vir elektrisiteitsmeters

# Die ANC beklemtoon die belangrikheid van die drieparty-alliansie tydens die versnelling van transformasie en die verskaffing van basiese dienste en ekonomiese groei. Die party en die SAKP het gister ‘n bilaterale vergadering in Luthuli-huis gehou. Die SAKP gaan volgende maand sy verhouding oor tientalle jare met die ANC by sy vyfde spesiale nasionale kongres hersien oor kommer dat die vennootskap sy politieke onafhanklikheid ondermyn en sy invloed afwater. Die ANC se woordvoerder Mahlengi Bengu-Motsiri, sê die alliansie moet beskerm word:

# Die Suid-Afrikaanse Nasionale Weermag het besluit om sy duur Kubaanse mediese opleidingsprogram, Projek Thusano, te beëindig. Dit het reeds belastingbetalers 2,6-miljard-rand gekos. Die besluit volg nadat die hersiening daarvan deur die voormalige minister van Verdediging Thandi Modise aangevra is. Terwyl die studente wat tans in Kuba is hulle kursusse sal voltooi, sal geen nuwe mediese studente gestuur word nie. Die program is gekritiseer vir onreëlmatige uitgawes en ondoeltreffende opleiding, met berigte oor geld wat gemors is op onnodige dienste en ongeregistreerde medisyne.

# City Power het sy grasietydperk oor boetes vir kragmeters vir nie-betalende meters tot die 30ste van die maand verleng. Dit volg na Eskom die spertyd vir die opgradering van voorafbetaalde meters verleng het, maar steeds vereis het dat klante elektrisiteitsbewyse teen Saterdag moes koop om hulle meters te laat voldoen aan die sleutelhersienings. Die woordvoerder van City Power, Isaac Mangena, sê hulle het reeds voorafopgestelde bewyse vir die uitstaande nie-betalende klante wat dit maklik maak om voorafbetaalde meters oor te skakel.

# ‘n Skietstakingsooreenkoms tussen Israel en die Libanese militante groep Hizbollah is glo baie naby. Meer as drie-duisend mense insluitend Hizbollah-leiers is sedert die toename in vyandelikhede in die middel van September in Israeliese aanvalle in Libanon dood. Hizbollah het sy aanvalle verskerp met onderhandelings wat Sondag voortgeduur het en meer as 250 missiele en hommeltuie is afgevuur wat verskeie mense beseer het. ‘n Sestig-dae-skietstakingsvoorstel wat deur Amerika gesteun word, word bespreek met die hoop dit kan die grondslag vorm van ‘n blywende skietstaking.

# Gholf: Pieter Moolman het die Suid-Afrikaanse PGA-kampioenskap met een hou gewen om sy derde Sunshine Tour-titel by St Francis Links in die Oos-Kaap te verower. Hy het sy naam by op ‘n trofee aangebring wat reeds onder andere die name van Gary Player, Ernie Els, Nick Price en Dale Hayes dra. Die 22-jarige Barend Botha was tweede met Trevor Fisher Junior derde. Moolman sê hy is tevrede om te kon wen na hy in 2021 tweede gekom het:

# En die finansiële aanwysers: Die rand verhandel teen 18-rand-5-sent teen die dollar, 18-rand-92 teen die euro en 22-rand-73-sent teen die pond. Bitcoin verhandel teen 97-duisend-733-dollar. Die prys van goud is twee-duisend-673-dollar-51-sent per fynons en die prys van Brent ruolie 74-dollar-2-sent per vat.

Bly ingeskakel vir meer nuus……………….