Nuus 08:00

BULLETIN 24 November 8 vm

Goeiemôre. Ek is……..

In die bulletin:

# Die Jacob Zuma-stigting praat met prokureurs en politieke strukture nadat hy uitgeskop is uit die ANC
# Minister MacPherson beklemtoon daar sal geen skikking wees met die boumafia nie
# En rugby: Die Springbokke slag Wallis 45-12 in hulle laaste wedstryd van die jaar

# Die Jacob Zuma-stigting sê hy sal met politieke strukture en regsraadgewers beraadslaag oor oudpresident Jacob Zuma se uitsetting uit die ANC. Zuma is in Julie uitgeskop vir die verbreking van afdeling 25 van die grondwet van die ANC deur die MK-party te steun toe hy nog ‘n lid van die ANC was. Zuma se woordvoerder, Mzwanele Manyi, het aan Newzroom Afrika gesê Zuma is nie ‘n regverdige kans gegee om sy saak voor te lê nie:

# Die minister van Openbare Werke en Infrastruktuur Dean MacPherson het onderhandelings met die boumafia uitgeskakel te midde van toenemende landwye afpersinggevalle. MacPherson het gepraat op die Nasionale Konstruksiespitsberaad in Durban oor misdaadvrye boupersele en die dringende behoefte beklemtoon aan ‘n kragdadige plan om misdaad en wetteloosheid in die sektor teen te werk. Hy vra besliste optrede om boupersele te beskerm en die bedryf se integriteit en groei te verseker:

# Die Departement van Landbou gaan al vyf geregistreerde vervaardigers van terbufos inspekteer om voldoening te verseker en plaaslik-vervaardigde chemikalieë te onderskei van onwettige invoere. Minstens 22 sterftes word verbind met die chemiese vergiftiging van voedsel. Die minister van Landbou John Steenhuisen wag op laboratorumuitslae om te bevestig of die middels dalk oor die land se grense kom. Opruimingsveldtogte is landwyd aan die gang, met biosekerheid wat geprioritiseer word om te keer dat skadelike produkte Suid-Afrika binnekom. Die minister sê die pogings wil gapings in die sekerheid van die toevoerketting aanspreek en openbare veiligheid verseker.

# ‘n Man is dood toe ‘n boom op sy motor geval het, en tien mense in Noord-Wallis, onder wie vyf kinders, is uit ‘n huis gered na ‘n grondstorting. Storm Bert teister steeds Brittanje, met sneeu, reën en sterk wind wat chaos en ontwringting veroorsaak. Die weerkantoor sê aanhoudende uiters swaar reën word vandag verwag. Neerslae van 50- tot 75-millimeters kan reg oor die Verenigde Koninkryk voorkom, met soveel as 100- tot 150-millimeters op plekke.

# En rugby: Die Springbokke het 2024 afgesluit met ‘n dominante 45-12-oorwinning oor Wallis op die Principality-stadion in Cardiff. Dit was die Walliese span se 12de agtereenvolgende nederlaag. Die Bokke het hulle eerste drie binne ses minute aangeteken toe die speler van die wedstryd Franco Mostert oorgeduik het. Die ander driedrukkers was Eben Etzebeth, Kurt-Lee Arendse, Elrigh Louw, Aphelele Fassi, Gerhard Steenekamp en Jordan Hendrikse, wat ook geslaag het met vyf verdoelings. Wallis se 12 punte was danksy twee drieë deur Rio Dyer en James Botham, en ‘n doelskop deur Ben Thomas.

Bly ingeskakel vir meer nuus……………….