Nuus 08:00

BULLETIN 1 Mei 8 vm

Goeiemôre. Ek is……..

In die bulletin:

# Thabo Mbeki skryf die huidige demokratiese orde toe aan die ANC se tyd as meerderheidsregering
# Die Vereniging van Staatsamptenare vra gesamentlike ondersteuning op Werkersdag 
# En rugby: Zachary Porthen voer die Junior Bokke aan in ‘n historiese Onder-20 Rugbykampioenskapswedstryd

# Oudpresident Thabo Mbeki sê die demokratiese orde wat vandag in Suid-Afrika geniet word, is te danke aan die vordering wat gemaak is tydens die ANC se tydperk as die regerende party. Mbeki het tydens ‘n byeenkoms op Freedompark in Pretoria die party se rol in die stigting van demokratiese instellings soos die Konstitusionele Hof en die Verkiesingskommissie beklemtoon. Hy sê die ANC se bestuur was deurslaggewend in die vorming van Suid-Afrika se demokratiese en nie-rassige samelewing:

# Die Vereniging van Staatsamptenare herdenk Werkersdag met groot waardering vir werkers se onmiskenbare bydraes. Die vakbond sê die geleentheid simboliseer die voortdurende stryd vir werkers se regte en maatskaplike geregtigheid, met vakbonde wat ‘n deurslaggewende rol speel. Hy gee erkenning aan werkers se uitdagings, insluitend swak lone en werksonsekerheid. Claude Naiker van die vereniging sê hy bly verbind tot die ondersteuning van werkers se regte deur gesamentlike bedinging, die bevordering van billike vergoeding en veilige werksomstandighede:

# Die organisasie, NotInMyName, is ongemaklik oor die ontmoeting van die Verkiesingskommissie met die Amerikaanse ambassadeur, Reuben Brigety. Die president van die beweging, Siyabulela Jentile, het Suid-Afrika se soewereiniteit beklemtoon en vra die OVK moet deursigtig wees oor die doel van die vergadering en alle diplomatieke ontmoetings. Hy kritiseer ook die DA se brief aan die Amerikaanse minister van Buitelandse Sake, Antony Blinken, waarin buitelandse ingryping versoek word weens kommer oor moontlike inmenging in die verkiesings. Jentile vra vir waaksaamheid om die verkiesings se legitimiteit te beskerm.

# Die Israelse eerste minister Benjamin Netanyahu het planne aangekondig om Rafah in die suide van Gaza binne te val, al word ‘n skietstilstand- en gyselaarvrylatingsooreenkoms met Hamas bereik. Ondanks waarskuwings deur die Verenigde State, hou Netanyahu vol dat die oorlog sal voortduur totdat Israel al sy doelwitte in Rafah bereik het. ‘n Skietstilstand tussen Hamas en Israel is in ‘n doodloopstraat, met indirekte gesprekke wat min vordering toon. Die Amerikaanse minister van Buitelandse Sake, Antony Blinken, het intussen hoop uitgespreek dat Hamas, wat hy beskryf as Israel se buitengewoon ruim aanbod vir ‘n wapenstilstand, sal aanvaar.

# En om mee af te sluit rugby, Zachary Porthen sal môre in Queensland, Australiё die Junior Springbokke aanvoer in die openingswedstryd van die Onder-20 Rugbykampioenskap teen Nieu-Seeland. Die voormalige kaptein van die SA Skole is een van net ‘n paar spelers wat ook deelgeneem het aan verlede jaar se Wêreldrugby O-20-kampioenskap in Kaapstad, toe die Junior Bokke derde geёindig het. Die ander is Asad Moos, Jurenzo Julius en Litelihle Bester. JF van Heerden is een van die plaasvervangers en sal van die bank af sy staal wys.

Bly ingeskakel vir meer nuus……………….