Nuus 07:00

BULLETIN 5 April 7 vm

Goeiemôre. Ek is……..

In die bulletin:

# Sakeleiers versoek Ramaphosa en Steenhuisen om die ineenstorting van die regering van nasionale eenheid te voorkom
# Suid-Korea se president word uit sy amp verwyder
# En rugby, Snyman sê die Blitsbokke sal sterk terugkom in Singapoer

# Sakeleiers het president Cyril Ramaphosa en die DA-leier John Steenhuisen versoek om die ineenstorting van die regering van nasionale eenheid te voorkom, en waarsku dit kan blywende ekonomiese skade veroorsaak. News24 berig verskeie leiers, insluitend die uitvoerende hoof van Yellowwoods, Adrian Enthoven, die uitvoerende hoof van Business Leadership South Africa, Busi Mavuso, en die uitvoerende hoof van Anglo-American, Duncan Wanblad, het in ‘n brief beklemtoon onbestendigheid kan hervorming omkeer en beleggersvertroue skaad. Dit volg ná spanning tussen die ANC en die DA oor ‘n fiskale raamwerk-stem.

# Die Hooggeregshof in Pretoria het die voormalige speaker van die Nasionale Vergadering, Nosiviwe Mapisa-Nqakula, se aansoek om toegang tot afdeling-C van haar korrupsiesaak-dossier te verkry, van die hand gewys. Mapisa-Nqakula, wat uit is op borgtog van 50-duisend-rand, word aangekla op 12 aanklagte van korrupsie en geldwassery met 4,5-miljoen-rand wat ter sprake is. Die geld is na bewering by ‘n diensverskaffer aangevra toe sy die minister van Verdediging was. Die woordvoerder van die Ondersoekdirektoraat se Teenkorrupsie-eenheid, Henry Mamothame, sê die saak is tot 9 Mei uitgestel:

# Die Suid-Afrikaanse Demokratiese Onderwysvereniging in KwaZulu-Natal moedig die Misdaadintelligensie-eenheid aan om die ondersoeke na die moorde op onderwysers en onderwyswerkers in die uThukela-distrik te prioritiseer. Dit volg nadat ‘n onderwysbeampte Bonisiwe Ndima doodgeskiet is terwyl sy op pad was na ‘n vergadering. Provinsiale sekretaris van SADOU, Nomarashiya Caluza het die Departement van Onderwys aangemoedig om verder te gaan as om net meegevoel uit te spreek, en om besliste stappe te neem om die veiligheid van werkers in die provinsie te verseker.

# Suid-Korea se president is uit sy posisie verwyder nadat die land se Konstitusionele Hof eenparig gestem het om sy vervolging te handhaaf. Yoon Suk Yeol is geskors van sy dienste in Desember na sy vervolging deur die parlement, na sy mislukte poging om krygswet in te stel. Vrydag se uitspraak is ontvang met trane van hartseer onder sy ondersteuners, maar ook vreugde deur Yoon se kritici, wat in verskillende dele van Seoel byeengekom het om die uitspraak regstreeks te volg. ‘n Kitsverkiesing om Yoon se opvolger te kies, moet teen 3 Junie gehou word.

# En rugby: Springbok sewes-afrigter Philip Snyman is vol vertroue dat die Blitsbokke sterk in Singapoer sal terugkom na ‘n teleurstellende negende plek in Hongkong. Snyman sê dit was ‘n terugslag, nie ‘n ineenstorting nie. Die span speel teen Brittanje en Argentinië in die groepwedstryde, met nuwe spelers wat Sebastiaan Jobb en David Brits insluit. Snyman het beklemtoon dat oefensessies hierdie week ‘n hernude toewyding getoon het:

Bly ingeskakel vir meer nuus……………….