Nuus 07:00

BULLETIN 23 November 7 vm

Goeiemôre. Ek is……..

In die bulletin:

# Die ANC bevestig voormalige president Jacob Zuma is uit die party geskop
# ‘n Tegniese deurbraak laat Eskom-zerokopers toe om meters ná die spertyd om te skakel
# En rugby: Die Springbokke is vasbeslote om die seisoen op ‘n hoë noot af te sluit teen Wallis

# Die nasionale dissiplinêre appèlkomitee van die ANC het die besluit van die nasionale dissiplinêre komitee bevestig om Jacob Zuma uit die party te skop. Die nasionale woordvoerder , Mahlengi Bhengu-Motsiri, sê as ‘n voormalige president van die ANC is daar van Zuma verwag om die aan hoogste standaarde van leierskap te voldoen. Deur ‘n mededingende politieke party te vestig en te lei, het hy die eenheid en samehorigheid van die beweging ondermyn. Bhengu-Motsiri sê die besluit dien as ‘n herinnering dat geen indiwidu groter as die beweging is nie, en dat die party se krag lê in sy leierskap en verbintenis tot die aspirasies van die mense:

# Eskom het ‘n tegniese deurbraak aangekondig wat huidige zerokopers met aktiewe meters toelaat om hulle meters ná die spertyd van 24 November op te dateer. Zerokopers moet met hulle meternommers na hul wettige verkopers gaan om elektrisiteit te koop. Hulle sleutelveranderringskyfies sal uitgereik word deur die verkoopsagente om hulle meter te laat voldoen aan KRN2. Skyfies moet voor 24 November gekoop word om hulle te aktiveer. Die klant kan dat enige van die Eskompersele besoek om die omskakelproses te voltooi, wat na die 24ste gedoen kan word.

# Die Noordwes-wetgewer se portefeuljekomitee oor Gemeenskapsveiligheid vra vir meer fokus op die afbreek van onwettige mynbou-misdaadsindikate in die provinsie. Die komitee het tydens hul besoek aan die Stilfontein-myn pogings bespreek om onwettige mynwerkers te red, en beklemtoon die sleutel tot die voorkoming van toekomstige tragedies is om hierdie misdaadnetwerke uit te wis. Freddy Sonakile van die komitee het ‘n beroep op die polisie gedoen om pogings te verskerp en die mense wat verantwoordelik is, aan die pen te laat ry:

# Downingstraat 10 sê die Britse regering sal sy wetlike verpligtinge as ‘n lid van die Internasionale Strafhof nakom, en die Israelse eerste minister, Benjamin Netanyahu, in hegtenis neem as hy in Brittanje aankom. Die hof het vroeër lasbriewe uitgereik vir die inhegtenisneming van Netanyahu en sy gewese minister van Verdediging, Yoav Gallant, weens beweerde oorlogsmisdade en misdade teen die mensdom in die oorlog in Gaza. Ierland, Frankryk en Italië het ‘n soortgelyke standpunt ingeneem. Israel verwerp die hof se jurisdiksie en ontken oorlogsmisdade.

# En rugby: Die hulpafrigter van die Springbokke, Mzwandile Stick, en kaptein, Siya Kolisi, is vasbeslote om vir 80 minute te presteer en die seisoen vandag teen Wallis in Cardiff op ‘n hoё noot af te sluit. ʼn Oorwinning sal beteken die Bokke sluit die seisoen af met elf oorwinnings terwyl hulle ook daarna mik om vir die eerste keer sedert 2013 al hulle wedstryde op die November-toer te wen. Stick en Kolisi waarsku Wallis gaan alles in die stryd werp veral nadat hulle al elf hul vorige toetse verloor het. Die afskop is om 20-voor-agt vanaand.

Bly ingeskakel vir meer nuus……………….