Nuus 06:00

BULLETIN 26 Mei 6 vm

Goeiemôre. Ek is……..

In die bulletin:

# Julius Malema kritiseer president Ramaphosa omdat hy nie die “Kill the Boer”-liedjie verdedig het nie
# ‘n Verdagte sal vandag in die hof verskyn vir beweerde dreigemente teen die president
# En die liggame van vyf skiërs is teen ‘n Switserse berghang gevind

# Die EFF-leier Julius Malema het president Cyril Ramaphosa gekritiseer omdat hy nie die Konstitusionele Hof se uitspraak verdedig het, wat beslis die “Kill the Boer“-liedjie is nie haatspraak nie. Hy het gister ondersteuners in Koppies, Vrystaat, toegespreek. President Donald Trump het verlede week tydens sy Withuis-vergadering met Ramaphosa ‘n video gespeel van Malema wat die liedjie sing. Malema sê Ramaphosa het nie die feite oor die liedjie aan Trump gestel nie:

Malema sê voorts Trump sal hom nooit intimideer nie. Tydens sy ontmoeting met Ramaphosa het Trump gevra vir Malema se arrestasie vir die sing van “Kill the Boer“, en die boodskap oor ‘n volksmoord teen blankes bevorder. Malema sê die ontmoeting tussen Trump en Ramaphosa het sy lot bepaal, en in werklikheid sy dood geëis:

# Minister van Beplanning, Monitering en Evaluering, Maropene Ramokgopa, sê die G20-ontwikkelingswerkgroep gaan voort om te belê in inkomste-ondersteuning, universele gesondheidsorg, onderwys, behuising en toegang tot basiese dienste. Ramokgopa sê die G20 se eie hoëvlakbeginsels oor maatskaplike beskerming, wat in 2021 aangeneem is, het die kritieke rol van maatskaplike beskerming in die bou van veerkragtigheid en die bevordering van inklusiewe groei bevestig:

# ‘n Verdagte sal vandag in die Landdroshof in Kaapstad verskyn, in verband met intimidasie. Die woordvoerder van die Valke, Thandi Mbambo, sê die 28-jarige verdagte is Vrydag in Germiston, Ekurhuleni, in hegtenis geneem nadat ‘n intimidasiesaak vroeër vandeesmaand aangemeld is. Sy sê ‘n uitvoerende hoof van ‘n maatskappy in Kaapstad het na bewering ‘n stemboodskap van die verdagte ontvang waarin dreigemente teen die president van Suid-Afrika gemaak is:

# Ondersoek word ingestel na die ontdekking van die liggame van vyf skiërs in die berge naby Switserland se luukse Zermatt-oord. Volgens die polisie is ‘n reddingshelikopter gestuur om ‘n gebied rondom die Rimpfischhorn te fynkam nadat klimmers die owerhede gewaarsku het oor verlate ski’s naby die kruin. Die liggame is onder die kruin van die Adler-gletser aangetref. Die oorsaak van hul dood is nog nie bekend gemaak nie en die slagoffers word tans amptelik geïdentifiseer.

# Rugby: Die Bordeaux-Begles-vleuel Damian Penaud is as Europese Speler van die Jaar gekroon nadat sy span Northampton Saints in Cardiff geklop het. Hy het twee van sy span se vier drieë in hulle oorwinning van 28-20 gedruk. Penaud is die derde Fransman wat die toekenning wen, en volg in die voetspore van Antoine Dupont en Gregory Alldritt. Penaud het ‘n sleutelrol gespeel in sy span se eerste Kampioenebeker-titel en 14 drieë in agt wedstryde gedruk. Ses hiervan was teen die Suid-Afrikaanse Haaie in die ligafase van die toernooi, die meeste drieë wat in ‘n wedstryd gedruk is.

# En die finansiële aanwysers: Die rand verhandel teen 17-rand-80-sent teen die dollar, 20-rand-24-sent teen die euro en 24-rand-10-sent teen die pond. Bitcoin verhandel teen 108-duisend-911-dollar-30-sent. Die prys van goud is drie-duisend-347-dollar-72-sent per fynons en die prys van Brent ruolie 65-dollar-29-sent per vat.

Bly ingeskakel vir meer nuus……………….