Goeie Nuus

BULLETIN NUUSAGENTSKAP 8 Julie

Goeiemiddag. Hier is jou Goeie Nuus:

# Die Universiteit van Pretoria het reeds meer as 15-miljoen-rand ingesamel van 38 organisasie-skenkers vir vermiste middel-studente. Veldtogbestuurder Josiah Mavundla sê die universiteit wil vanjaar die 900 deelnemende skenkers uitbrei na een-duisend. As die doel bereik word sal dit aandui steun vir die universiteit neem toe en die skenkersgroep brei geleidelik uit. Mavundla sê dis vanjaar die laaste jaar van die veldtog van drie jaar om 100-miljoen-rand se nuwe geld in te win. Mavundla sê die teiken sal ‘n belangrike mylpaal wees vir die fonds-insamelingspogings.

# ‘n Suid-Afrikaanse musikant het meer as 600-duisend-rand ingesamel vir hulp aan die agtjarige Rylyn Clark wat al bykans twee jaar aan Lyme-siekte ly. David Scott, alom bekend as The Kiffness, gebruik gereeld sy invloedryke platform vir liefdadigheidsake. Scott, bekend vir vermengings wat vinnig op sosiale media versprei, sê hy is diep geraak deur Rylyn se opname van Bob Marley se Three Little Birds tydens die Covid-19 pandemie. Hy sê hy wil meer doen om Rylyn en sy gesin te help.

# ‘n Student aan die Sol Plaatje-universiteit, Nosipho Khumari, gaan Suid-Afrika op die Konfederasie van Universiteite en Kolleges Sportvereniging se Streek 5-spele verteenwoordig. Die langverwagte sokkertoernooi begin vandag by die Tshwane Universiteit vir Tegnologie. Khumari kom van Lerato-park, Roodepan, en het as 12-jarige begin sokker speel. Sy het in 2019 die Noord-Kaap se onder 19-groep gehaal. Vanjaar het sy aan die intervarsity-toernooi by Noordwes-universiteit deelgeneem waar haar span silwer gewen het.

# ʼn Sopkombuis in Mamelodi, Pretoria, voorsien warm groentesop aan mense wat in lang rye op mediese sorg wag by die Mamelodi-Wes-kliniek. Die Ditlalemeso-organisasie het die sopkombuis begin om veral ouer mense te help wat vroeg opstaan om basiese gesondheidsorg te kry. Die sopkombuis wat deur plaaslike skenkings befonds word, werk Dinsdae en Donderdae met vyf vrywilligers. Die organisasie wil die diens na alle plaaslike klinieke uitbrei.

# En ten slotte: Vanjaar se Voedsel-indaba in Kaapstad wil ʼn kook-avontuur vir kosliefhebbers bied. Die tema is Oikonomos, wat die Griekse oorsprong van die woord ekonomie is, en beteken huishoudelike bestuur. Die program sluit in die kenner van Kaapse veldkos, Loubie Rusch, die Rwandees-gebore sjef Jane Nshuti, en ʼn dinamiese aanlyn lesing oor nuwe, belangrike kosverslae. Die indaba duur van die 22ste van die maand tot 4 Augustus.

Bly ingeskakel vir meer nuus……………….