Goeie Nuus

BULLETIN NUUSAGENTSKAP 6 Desember

Goeiemiddag. Hier is jou Goeie Nuus:

# Een van Suid-Afrika se mees bekroonde ontwerpers, Gert-Johan Coetzee, het sy jongste versameling in samewerking met Disney bekendgestel. Die beperkte uitgawe vier geliefde Disney-karakters soos Donald Duck, Mickey Mouse, karakters uit The Lion King en die Disney-prinsesse. Coetzee sê die ontwerpe wil elke vrou laat voel sy kan haar eie sprokiesverhaal uitleef, gevul met selfvertroue, skoonheid en krag.

# Die Wes-Kaapse LUR vir Onderwys, David Maynier, het twee jong wetenskaplikes, Thiedu du Preez en Aadil Dawood, gelukgewens met die medaljes wat hulle ingepalm het op vanjaar se İzmir-internasionale vernuwingswetenskap-energie-ingenieurswes-skou in Turkye. Maynier sê Thiedu, van Vredenburg aan die Weskus, het silwer gewen vir sy projek en Aadil, van Bishops in Kaapstad, brons vir syne:

# Die Universiteit van die Witwatersrand se kantooradministrateur, Shalati Mabunda, verskaf warm maaltye aan haweloses. Sy het in 2009 die maandelikse veldtog begin deur maaltye vir haweloses in Windsor-Oos in Randburg te kook. Die idee eer ook haar familie se geestelike oriëntering. Mabundu verskaf warm maaltye aan tussen 35 en 50 mense. Sy sê sy droom van die opening van ‘n nie-regeringsorganisasie wat haweloses sal help om op hulle voete te kom.

# Die tiende jaarlikse Nelson Mandela-herinneringstaptog in Pretoria het ‘n groot aantal deelnemers gelok. Dit het op die trappe van die Uniegebou begin en drawwers en staatsamptenare het ter ere van Nelson Mandela se nalatenskap na die suidelike grasperke beweeg. Die Nelson Mandela-stigting het sy tevredenheid uitgespreek met die geleentheid wat sy sending van geregtigheid en gelykheid ondersteun. Gauteng se LUR vir Onderwys en Sport, Kuns en Ontspanning, Matome Chiloane, het aan die SABC gesê die geleentheid het groot geskiedkundige betekenis:

# En ten slotte: Die sewemalige Super Bowl-kampioen, Tom Brady, se versameling skaars horlosies en NFL-gedenkwaardighede word môre in New York opgeveil. Dit sluit in die helm wat hy tydens 2019 wedstryd vir New England Patriots gedra het, asook sy 21 antieke en moderne horlosies, onder meer die eiesoortige Audemars Piguet Royal Oak wat hy tydens Netflix se Roast of Tom Brady gedra het.

Bly ingeskakel vir meer nuus……………….