Goeie Nuus 14:00

BULLETIN NUUSAGENTSKAP 17 Januarie 2 nm

Goeiemiddag. Hier is jou Goeie Nuus:

# President Cyril Ramaphosa het die Suid-Afrikaanse komediant Trevor Noah gelukgewens met die Emmy wat hy gewen het. Hy het die toekenning vir uitstaande geselsprogram ontvang vir The Daily Show with Trevor Noah. Noah het met die oorwinning geskiedenis gemaak as die eerste swart persoon uit Afrika wat ‘n Emmy vir ‘n uitstaande geselsprogram gewen het sedert die kategorie se bekendstelling in 2015. Ramaphosa sê Noah is deel van ‘n uitmuntende groep sterre uit Suid-Afrika wie se uiteenlopende talente wêreldwyd geniet en waardeer word.

# Twee nagraadse studente van die Universiteit van Fort Hare se Departement Ekonomie is onder die top tien finaliste van Nedbank en Ou Mutual se 52ste begrotingsrede-kompetisie. Die kompetisie daag studente in ekonomie en finansies aan Suid-Afrika se 26 universiteite uit om ‘n opstel te skryf wat die huidige belangrike maatskaplike en ekonomiese probleme in die land bespreek. Peter Mugwira en Ernest Pedzayi is albei in die finale jaar van hulle Meestersgraad in Handel en sê hulle is geëerd om onder die top tien te wees.

# Die Wes-Kaapse regering sê 231 jong mans, tussen die ouderdomme van 18 en 25, het op ʼn bemagtigingsreis vertrek by die Chrysalis Academy. Hulle is afkomstig van verskillende dele van die provinsie, insluitende Beaufort-Wes, Khayelitsha en Nyangam, en sal vir drie maande opleiding ontvang tot April. Die akademie het sedert 2000 ʼn positiewe uitwerking gehad op meer as tien-duisend gegradueerdes. Die LUR vir Polisie-oorsig en Gemeenskapsveiligheid, Reagen Allen, sê die program fokus op persoonlike ontwikkeling, leierskap en lewensvaardighede, en bied gegradueerdes ʼn indiensnemingsgeleentheid van 12-maande:

# ‘n Drie-en-twintig-jarige KwaZulu-Natalse kunstenaar, Ricollin Moodley, het ‘n uitsonderlike benadering aangedurf deur kunswerke te skep met lipstiffie. Hy gebruik lipstiffie om portrette van verskeie Suid-Afrikaners te maak, wat hul globale en plaaslike uitwerking simboliseer. Moodley se unieke skeppings het wêreldwyd erkenning ontvang, wat tot sy kunstenaarskap ‘n nuwe dimensie van waardering toevoeg. Sy opvallende lipstiffie-portrette fokus op bekendes soos die Springbok-kaptein, Siya Kolisi, die Springbok-vleuel, Cheslin Kolbe, en die popster Tyla.

# En ten slotte: Die renoster-plaas Rhino Orphanage in Limpopo vier die geboorte van ʼn kalfie vir Kaytie, ʼn wesie wat gered is en by die instelling opgegroei het voor sy weer in die natuur vrygelaat is. Volgens die bestuur is die baba se naam, Mrembo, ʼn Swahili-woord wat beteken “pragtige meisie”. Haar aankoms is ʼn besonderse mylpaal, wat bewys hoe renosterwesies gered, grootgemaak en vrygelaat word in die natuur. Kaytie is die derde renoster van die weeshuis wat in die natuur geboorte skenk en bydra tot die volgende geslag diere in hulle natuurlike habitat.

Bly ingeskakel vir meer nuus……………….