Eko-minuut 13:30

BULLETIN 20 November 1:30 nm

Goeiemiddag. Hier is jou Eko-minuut:

# Die Minister van Elektrisiteit, Kgosientsho Ramokgopa, sê die regering is besig om vinnig beleidskwessies deur te werk en duidelikheid te gee oor Suid-Afrika se energieverskeidenheid, ingryping met transmissie en bykomende opwekkingsvermoë. Hy het gister die jongste inligting oor die inwerkingstelling van die Energie-aksieplan bekendgemaak. Die minister sê hy is bemoedig deur die suksesvolle sinchronisering van Eenheid Een by die Koeberg-kernkragsentrale in Kaapstad. Ramokgopa sê sodra dié eenheid as stabiel geag word, sal Eenheid Twee afgeskakel word om sy stoomopwekkers te vervang:

# Die minister van Bosbou, Visserye en die Omgewing, Barbara Creecy, sê die Stad Tshwane sal baat vind by die departement se Werk vir Water-program oor vyf-jaar om indringerplante in gemeenskappe uit te roei. Die minister het onlangs die program ter waarde van 152-miljoen-rand van stapel gestuur om projekte regoor die vyf Gautengse munisipaliteite in werking te stel. Creecy sê die program sal 74-duisend-781 hektaar skoonmaak oor ‘n tydperk van vyf jaar, vanaf die 2023/24-boekjaar, en dit sal 13-duisend-615 werksgeleenthede skep:

# En laastens: Die Suider-Afrikaanse Stigting vir die Bewaring van Kusvoëls het sy feestyd-aannemingsprogram vir Afrika-pikkewyne bekendgestel. Pikkewyn-geesdriftiges word versoek om ‘n Afrika-pikkewyn aan te neem en ‘n naam te gee, en in ruil daarvoor kry hulle die nuwe fees-sertifikaat. Die organisasie sê deur dié feestyd ‘n pikkewyn aan te neem, maak die persoon ingryping moontlik, wat lei tot die herstel- en vrylatingsreis van dié ongelooflike spesie. Die stigting sê dis ook ‘n sinvolle manier vir diereliefhebbers om by te dra tot die bewaring van Afrika-pikkewyne.

Bly ingeskakel vir meer nuus……………….