Eko-minuut 13:30

BULLETIN NUUSAGENTSKAP 9 Desember 1:30 nm

Goeiemiddag. Hier is jou Eko-minuut:

# Die minister van Bosbou, Visserye en die Omgewing, Dion George, veroordeel die onwettige oes van Weskus-kreef en die onoordeelkundige oes van eierdraende wyfies. ‘n Vaartuig met twee-duisend-679 Weskus-kreefsterte, insluitend 157 sterte van eierdraende wyfies, is verlede week in die Overbergstreek afgeneem. Die departement se woordvoerder, Peter Mbelengwa, sê die onwettige bedrywighede vernietig miljoene krewe wat tot ‘n volhoubare mariene-ekostelsel kon bydra:

# Die adjunkminister van Water en Sanitasie, David Mahlobo, sê die regering maak al meer gebruik van grondwater as een van die lewensvatbare moontllikhede om die huidige beskikbare water aan te vul en voorsiening te verhoog. Mahlobo gee erkenning aan vennootskappe met internasionale gemeenskappe oor hulle bydrae tot die Suid-Afrikaanse watersektor, wat ‘n volhoubare en billike voorraad water vir alle Suid-Afrikaners gewaarborg het:

# En ten sltote: Die aarde het sy tweede warmste November ooit op rekord ervaar. Dit is die tweede warmste maand naas 2023, wat beteken dat 2024 nog die warmste jaar sal wees wat ooit gemeet is. Dit is volgens ‘n verslag van die Europese klimaatdiens, Copernicus. Wêreldwye temperature was in November gemiddeld 10,4 grade Celsius. Die adjunkdirekteur van Copernicus, Samantha Burgess, sê hittegolwe oor die oseane en ‘n verlies aan see-ys en sneeubedekking het tot die verhoogde temperature bygedra. Verlede jaar se rekordhitte is deels deur ‘n El Niño-weerverskynsel veroorsaak.

Bly ingeskakel vir meer nuus……………….