Eko-minuut 13:30

BULLETIN NUUSAGENTSKAP 6 Desember 1:30 nm

Goeiemiddag. Hier is jou Eko-minuut:

# Die Stad Ekurhuleni versoek inwoners om veiligheidsmaatreëls te tref aangesien die huidige hittegolf tot Sondag gaan duur. Hoë temperature word in die vooruitsig gestel en die stad waarsku oor die gevare van ontwatering, krampe, hitte-uitputting en sonsteek. Inwoners word aangeraai om nie oop vlamme sonder toesig te laat nie en te waak teen ontwatering met water of sportdrankies. Die stad waarsku ook teen swem in verbode gebiede en herinner ouers om noukeurig toesig te hou oor kinders naby water.

# ‘n Mariene-bioloog en senior dosent van die Universiteit van Pretoria, Romina Henriques het ‘n C2-gradering van die Nasionale Navorsingstigting ontvang vir haar navorsing. Dit handel oor die unieke visbevolkings in Suider-Afrika. Die gradering gee erkenning aan haar aansienlike bydraes tot marienebiologie en die studie van die ewolusie van marienespesies. Henrique sê haar navorsing word aangevuur deur die wete dat klimaatsverandering oseaantemperature, huidige patrone en soutvlakke bedreig wat die oorlewing van marienespesies raak.

# En ten slotte: ‘n Aardbewing met ‘n omvang van 7,0 het aan die kus van Noord-Kalifornië voorgekom, wat gelei het tot ‘n tsoenami-waarskuwing vir minstens 5,3-miljoen mense aan die Weskus. Die waarskuwing is kort daarna opgehef. Dertig na-skokke is aangemeld met meer as tienduisend mense wat sonder krag gelaat is in die Humboldt-distrik. Die aardbewing was een van die hewigste in Kalifornië in onlangse jare. Goewerneur Gavin Newsom sê amptenare fokus nou op die nagevolge van die skudding:

Bly ingeskakel vir meer nuus……………….