Eko-minuut 13:30

BULLETIN NUUSAGENTSKAP 2 Desember 1:30 nm

Goeiemiddag. Hier is jou Eko-minuut:

# Die Internasionale Geregshof begin vandag met verhore in ‘n waterskeiding-klimaatsveranderingsaak. Dit draai om wat wetlik van lande wêreldwyd verwag word om klimaatsverandering teen te werk en kwesbare lande te help om die verwoestende gevolge daarvan te beveg. Die Algemene Vergadering van die Verenigde Nasies het die hof verlede jaar gevra vir ‘n regsmening oor die verpligtinge van state rakende klimaatsverandering. Prokureurs en verteenwoordigers van meer as 100 lande en organisasies, sal tot volgende Vrydag voorleggings aan die hof doen.  

# Meer as 170 top-omgewingsgroepe het ‘n regsversoekskrif ingedien wat eis die Amerikaanse Omgewingbeskermingsagentskap moet mikroplastiek in drinkwater monitor. Mikroplastiek is mikroskopiese stukkies plastiek wat opsetlik by produkte gevoeg word of afskilfer van groter produkte wat plastiek bevat. Onafhanklike toetse het mikroplastiek aangetref in byna alle drinkwatermonsters wat getoets is. Die versoekskrif plaas druk op die agentskap om mikroplastiek kragtens die Wet op Veilige Drinkwater in 2026 te begin toets as ‘n nuwe besoedelingsmiddel.

# En ten slotte: Die Labia-teater in Kaapstad het die Groot Afrika-seewoud gevier. Die woud is ‘n see-ekostelsel wat oor meer as duisend kilometer van Suid-Afrika tot Namibië strek. Die Save Our Seas-stigting het die geleentheid gereël waar oseaan-storievertellers en -bewaringsbewustes klem geplaas het op bioverskeidenheid en bewaringspogings. Bekendes soos Thomas Peschak en Pippa Ehrlich het hulle insigte gedeel en gefokus op die Seewoudspesies-veldtog wat op hierdie belangrike onderwater-wonderwêreld se beskerming gemik is. Die geleentheid wil toekomstige bewaring-storievertellers ondersteun en tot optrede aanspoor.

Bly ingeskakel vir meer nuus……………….