Eko-minuut 13:30

BULLETIN NUUSAGENTSKAP 26 November 1:30 nm

Goeiemiddag. Hier is jou Eko-minuut:

# Navorsers van die Vrystaatse Universiteit sê besoedeling in die omgewing van waterbronne is kommerwekkend en hou ‘n gesondheidsgevaar in vir lewe in die water en op land. Die navorsers het die teenwoordigheid van moontlike patogeniese gis in die plastiek besoedeling in Bloemfontein se varswaterbronne ondersoek. Professor Carolina Pohl-Albertyn sê plastiek rommel kan biofilms huisves wat verskeie moontlike patogene soos bakterieë en swamme bevat. Sy sê hierdie rommel kan versprei in varswaterbronne.

# Die DA in Gauteng sê tydens ʼn onlangse oorsig-inspeksie van die Jukskeirivier in Alexandra, is onthul die rivier is met hoë vlakke e-Coli besmet en onverwerkte riool vloei in die rivier. Dit word toegeskryf aan infrastruktuur wat sleg in stand gehou word. ʼn DA-woordvoerder, Leanne de Jager, sê die rivier kan in die reënseisoen oorstroom wat inwoners in die omgewing se gesondheid en veiligheid in gevaar kan stel:

# En die sekretaris-generaal van die Verenigde Nasies, António Guterres, waarsku dat die wêreld besig is om in plastiek besoedeling te verdrink. Die vyfde ronde onderhandelings om plastiek besoedeling te beëindig het gister in Suid-Korea begin. Guterres sê enige ooreenkoms moet oplossings bied vir die lewensiklus van plastiek, maar veral vir enkelgebruik-plastiek, asook afvalbestuur, maatreëls om plastiek uit te faseer en die gebruik van alternatiewe materiaal aan te moedig:

Bly ingeskakel vir meer nuus……………….