Eko-minuut 13:30

BULLETIN NUUSAGENTSKAP 22 November 1:30 nm

Goeiemiddag. Hier is jou Eko-minuut:

# Die Green Connection sê dit is noodsaaklik om die omgewings- en maatskaplike gevare te pak wat seismiese opnames inhou. Dié omgewingsdrukgroep het saam met Autokowa Fisheries Primary Co-Operative en Natural Justice ‘n regterlike hersiening aangevra. Dit is oor die magtiging wat aan die maatskappy TGS Geophysical toegestaan is om seismiese opnames aan Suid-Afrika se Weskus. Liz McDaid van Green Connection sê die oseaan is ‘n akoestiese wêreld met seespesies wat op klank staatmaak vir kommunikasie, navigasie en oorlewing. Sy sê seismiese opnames ontwrig dié fyn balans.

# Rand Water het die Sentrum vir Biologiese Beheer aangestel om indringerplante in die Vaalrivier Barrage-reservoir te bestuur. Pogings is gemik op waterhiasinte en waterslaai, albei agressiewe indringerspesies wat vererger word deur rioolwater, hoë temperature en verminderde watervloei. Die hoof van die organisasie, Julie Coetzee, sê die oogmerke is om plantbedekking tot minder as ‘n hektaar te beperk deur gebruik te maak van biobeheermiddels, fisiese verwydering en chemiese metodes. Sy sê langtermynpogings sluit vennootskappe met die gemeenskap en ontwikkelingsgeriewe vir gespesialiseerde biobeheermiddels in.

# En ten slotte: Vyf olie- en chemiese maatskappye wat behoort aan die Alliansie om Plastiek Besoedeling te beëindig, het ‘n duisend keer meer nuwe plastiek in vyf jaar vervaardig as die afval wat hulle uit die omgewing weggekeer het. Dit is volgens data wat Greenpeace bekom het. Die maatskappye, insluitend Exxon, Shell en Total, het beloof om binnne vyf jaar tot einde verlede jaar 15-miljoen-ton plastiek afval te verwyder. Dit was bedoel om insameling en herwinning te verbeter en ‘n sirkulêre ekonomie te skep. Die alliansie stem nie saam met die data nie.

Bly ingeskakel vir meer nuus……………….