Eko-minuut 13:30

BULLETIN NUUSAGENTSKAP 4 September 1:30 nm

Goeiemiddag. Hier is jou Eko-minuut:

# Bergingsmaatskappye onder die beskerming van militêre magte van die Europese Unie probeer een van die wêreld se grootste omgewingsrampe keer. Houthi-rebelle het twee weke gelede die Griekse tenkskip MV Sounion in die Rooisee gebombardeer, en verskeie brande woed nog op die hoofdek. Die vaartuig dra ongeveer ‘n miljoen vate ruolie. Volgens BBC News sê die Amerikaanse Departement van Binnelandse Sake ‘n storting kan vier keer groter wees as die Exxon Valdez-ramp aan die kus van Alaska in 1989.

# Die Verenigde Nasies se weer- en klimaatsagentskap vra ‘n wêreldwye rooi-noodtoestand na rekord gemiddelde temperature verlede maand vir die tweede agtereenvolgende jaar. Voorlopige data dui aan hierdie Augustus was die warmste nog aangeteken in Australië, Japan, dele van China en Noorweë. Dit was die 15de agtereenvolgende maand van temperature wat rekords oortref het. Singapoer is ook aangewys as ‘n streekspilpunt vir die monitering van brandverwante besoedeling. Die hoof van die Wêreld-meteorologiese Organisasie, Celeste Saulo, lig die dringende behoefte uit aan meer klimaats-optrede en bronne vir weerkundige agentskappe.

# En ten slotte, ‘n kritieke misgordelwoud in KwaZulu-Natal, Ferncliffe, word bedreig deur uitheemse indringerplante en potensiële woonbuurt-ontwikkeling. Die bioverskeidenheids-brandpunt, wat ‘n noodsaaklike funksie in Pietermaritzburg vervul as vloedverminderings- en wateropvanggebied, is die tuiste van bedreigde spesies. Ferncliffe Forest Wilding wil 1,5-miljoen-rand insamel om 5,1 hektaar van die woud te beveilig en uit te brei en dit in die langtermyn as bewaringsgebied te beskerm.

Bly ingeskakel vir meer nuus……………….