Nuus 09:00

BULLETIN 2 Mei 9 vm

Goeiemôre. Ek is……..

In die bulletin:

# Cosatu veroordeel afleggings in die huidige ekonomiese klimaat
# Binnelandse Sake skors die amptenare betrokke by die KI-verwysingsfiasko
# En COPE versoek kiesers om munisipaliteite se mislukkings by die stembus reg te stel

# Die president van Cosatu, Zingiswa Losi, het werkgewers veroordeel wat voortgaan met afleggings in die huidige ekonomiese klimaat, namate werkskaarste en stygende werkloosheid toeneem. Losi het tydens Werkersdagvieringe by die Ou Peter Mokaba-stadion in Polokwane, Limpopo, gewaarsku dat werkverliese ongelykheid verdiep, en beklemtoon dat dringende ingryping nodig is om werkers te beskerm en werkskepping te stimuleer:

# Die Departement van Binnelandse Sake het twee senior amptenare geskors nadat vals bronne-verwysings wat deur kunsmatige intelligensie geskep is, op die nuwe hersiene immigrasie-witskrif ontdek is. ‘n Hoofdirekteur en direkteur wat by die opstel daarvan betrek word, staar tugstappe in die gesig. Die departement het onafhanklike regsfirmas aangestel om vorige beleidsdokumente te ondersoek en te hersien. Die bronnelys is onttrek, maar die beleid se inhoud bly dieselfde. Die departement het verskoning gevra en strenger KI-oorsig beloof om toekomstige foute te voorkom.

# COPE vra Suid-Afrikaners, veral die jeug, om te registreer en te stem in die plaaslike regeringsverkiesing op 4 November. Die waarnemende hoofsekretaris Erick Mohlapamaswi sê aktiewe deelname is die sleutel tot verantwoordbare regering. Mohlapamaswi het verwys na mislukkings in dienslewering, en hervormings belowe wat fokus op werkskepping, anti-korrupsiemaatreëls en verbeterde basiese dienste. Hy moedig kiesers aan om leiers te ondersteun wat verbind is tot die herstel van waardigheid en doeltreffende plaaslike regering:

# Agri Wes-Kaap en die Tuinroete-distriksmunisipaliteit het twee nuwe gevalle van bek-en-klouseer op ‘n beesplaas in Oudtshoorn bevestig. Die owerhede sê die plaas is onder kwarantyn, met biosekuriteitsmaatreëls en voertuigkontrolepunte ingestel. Amptenare waarsku dat die uitbreking steeds ‘n bron van kommer is, met verskeie plase in nabygeleë Mosselbaai wat reeds geraak is. Pogings word aangewend om die verspreiding te beperk en die veebedryf te beskerm

# ‘n Gesamentlike verklaring deur ministers van Buitelandse Sake van verskeie lande, insluitend Suid-Afrika, het die onderskepping van die Global Sumud Flotilla veroordeel. Die flottielje van meer as 40 skepe wat aktiviste vervoer en hulp na Gaza wou lewer, is Donderdag deur Israelse vlootmagte onderskep. Die verklaring deur elf lande, insluitend Suid-Afrika, Spanje, Brasilië, Turkye, Maleisië, Jordanië en Pakistan, het die aanval deur Israelse magte op ‘n vreedsame burgerlike humanitêre inisiatief veroordeel. Hulle sê die doel is om die aandag van die wêreld te vestig op die humanitêre ramp in Gaza.

# En sokker: Leeds het gister so te sê hul plek in die Premierliga volgende seisoen verseker met ‘n 3-1 oorwinning oor die reeds gerelegeerde Burnley. Doele deur Anton Stach, Noah Okafor en Dominic Calvert-Lewin het Daniel Farke se span tot nege punte bo die relegasiesone opgestoot met slegs vier wedstryde oor vir die spanne onder hulle. Hulle is nou 14de op die Premierliga-punteleer in ‘n indrukwekkende eerste seisoen saam met Sunderland.

Bly ingeskakel vir meer nuus……………….