Nuus 15:00

BULLETIN 31 Maart 3 nm

Goeiemiddag. Ek is……..

In die bulletin:

# Die petrolprys styg om middernag met meer as drie-rand en die dieselprys met sewe-rand
# Die regering verlaag die brandstofheffing met drie-rand per liter 
# En sokker: Italië belê in hervorming op voetsoolvlak om te verhoed dat hy ‘n derde Wêreldbekertoernooi misloop

# Petrol- en dieselpryse sal vanaf môre skerp styg, met 93-oktaan en 95-oktaan petrol wat albei met drie-rand-ses sent per liter styg, terwyl dieselpryse met meer as sewe-rand per liter styg. Lampolie styg met elf-rand-67 sent per liter en vloeibare petroleumgas met een-rand-agt-sent per kilogram. Die minister van Minerale en Petroleumhulpbronne, Gwede Mantashe, sê die verhogings word aangevuur deur hoër wêreldwye oliepryse, ‘n swakker rand en voortdurende spanning in die Midde-Ooste.

Mantashe en die minister van Finansies, Enoch Godongwana, het vroeër ‘n tydelike verlaging in die brandstofheffing aangekondig om stygende brandstofpryse te versag. Die heffing word vanaf môre tot vroeg in Mei met drie-rand per liter verminder. Die regering sê die ingryping het ten doel om druk op vervoer- en voedselkoste te verlig en fiskale bestendigheid te handhaaf. Owerhede het ook verseker die brandstofvoorraad bly voldoende en waarsku plaaslike tekorte word deur paniekaankope veroorsaak. 

# Die Wes-Kaapse Onderwysdepartement sê die ouers van 28-duisend graad sewe-leerders het nog nie aansoek gedoen vir graad agt-plasing vir volgende jaar nie. LUR David Maynier sê die toelatingsgleuf sluit op 14 April. Aansoeke kan aanlyn, by opskiet-toelatingswebwerwe of by plaaslike distrikskantore ingedien word. Maynier versoek ouers om nie uit te stel nie, maar voor die sperdatum aansoek te doen:

# Die brandweerdienste van die Kaapse Wynland-distriksmunisipaliteit is steeds besig om ‘n veldbrand in die berge bokant De Doorns te beveg wat Saterdagaand uitgebreek het. Die munisipaliteit se woordvoerder, Anesca Roodt, sê hoewel vordering gemaak is, is daar steeds ‘n brandlyn ​​en spanne is ontplooi. Die brandweerdienste het ook ‘n ander brand by Gouda onder beheer gebring. Roodt sê brandbestryders is steeds op ‘n hoë gereedheidsgrondslag:

# Sokker: Italië se beheerliggaam het ‘n projek van stapel gestuur om die spel onder die jeug te laat herleef terwyl die land probeer verhoed dat hy ‘n derde agtereenvolgende Wêreldbekertoernooi misloop in vanaand se beslissende uitspeelstyd teen Bosnië en Herzegovina. Die viermalige kampioen kon nie vir die afgelope twee toernooie kwalifiseer nie. Hul topklubs het tot dusver die seisoen sleg gevaar in Europa, terwyl Italië se ander sportsoorte soos tennis, motorsport en selfs rugby goue eras beleef. Die beheerliggaam fokus nou op grondvlak-hervorming en dieper betrokkenheid by jeugsokker.

# En die finansiële aanwysers: Die rand verhandel teen 17-rand-11-sent teen die dollar, 19-rand-63-sent teen die euro en 22-rand-60-sent teen die pond. Bitcoin verhandel teen 66-duisend-674-dollar. Die prys van goud is vier-duisend-580-dollar-36-sent per fynons en die prys van Brent-ruolie is 106-dollar-52-sent per vat.

Bly ingeskakel vir meer nuus……………….