Nuus 09:00

BULLETIN 28 Februarie 9 vm

Goeiemôre. Ek is……..

In die bulletin:

# Solly Msimanga sê die DA se partystrukture moet versterk word
# AfriForum kritiseer die regering se goedkeuring van ‘n Zanzibar-waterprojek
# En buie, donderstorms en wisselende temperature word in Johannesburg, Pretoria en Kaapstad verwag

# Die DA Gauteng-leier Solly Msimanga het sy kandidatuur vir die party se federale voorsittersposisie aangekondig, wat tans deur die Wes-Kaapse LUR vir Landbou, Ekonomiese Ontwikkeling en Toerisme, Ivan Meyer, beklee word. Msimanga het in Pretoria gepraat en klem gelê op die versterking van partystrukture, die interne desentralisering van mag en die voorbereiding vir die komende verkiesing. Die voormalige Tshwane-burgemeester het belowe om partybeginsels te verdedig, terwyl hy verseker dat takke en lede ‘n sterker besluitnemingstem het:

# AfriForum sê die regering se goedkeuring van Rand Water se 800-miljoen-rand belegging in ‘n Zanzibar-waterprojek is ‘n bewys van sy misplaaste prioriteite. Die organisasie waarsku terwyl miljoene in die buiteland bestee word, worstel inwoners van Gauteng, Mpumalanga, die Vrystaat en Noordwes steeds met ernstige watertekorte. Marais de Vaal van AfriForum noem die besluit polities-gedrewe en vra die regering om eers plaaslike waterkrisisse aan te pak:

# Eskom het bevestig dat daar verdere verbeterings is, aangesien sy kragstasies se prestasie die Energiebeskikbaarheidsfaktor tot 65,24-persent in die huidige boekjaar verhoog het. Onbeplande onderbrekings het met 41,8-persent gedaal in vergelyking met dieselfde tydperk verlede jaar, terwyl dieselbesteding met meer as 50-persent gedaal het. Eskom-woordvoerder Daphne Mokoena sê Suid-Afrika het as gevolg van die Opwekkingsherstelplan altesaam 287 opeenvolgende dae sonder onderbrekings aangeteken met geen beurtkrag wat vir die somer verwag word nie.

# Ghana se minister van Buitelandse Sake, Samuel Okudzeto Ablakwa, het Oekraïne versoek om Ghanese burgers wat vir die oorlog gewerf is, vry te laat. Ten minste 55 Ghanese is dood, met twee wat as krygsgevangenes aangehou word. Na gesprekke met president Volodymyr Zelensky in Kiëf, sê Ablakwa dat ongeveer 272 Ghanese sedert 2022 in die konflik gelok is. Hy het ‘n humanitêre beroep gedoen vir die vrylating van twee Ghanese burgers wat as krygsgevangenes gevange geneem is

# Sokker: Kaizer Chiefs se mede-afrigter Cedric Kaze berei hom voor vir sy eerste Soweto-derby teen hul tradisionele aartsvyande, Orlando Pirates, vandag by die FNB-stadion. ‘n Oorwinning vir die Chiefs sal die gaping op die punteleer met die Buccaneers tot vyf verminder. Intussen sal Pirates dit nie kan bekostig om weer te verloor nadat hulle met 2-1 teen hul titelvyand Mamelodi Sundowns die spit afgebyt het. Kaze sê die effektiewe uitvoering van die wedstrydplan is belangrik in die stadion:

# En ten slotte weernuus: Inwoners van Johannesburg, Pretoria en Kaapstad gaan ‘n gemengde naweek van buie, donderstorms en wisselende temperature tegemoet. Volgens AccuWeather kan Johannesburg vandag 27 grade Celsius met oggendreën verwag, terwyl Sondag 26 grade met middagbuie bereik. Maandag word dit warmer tot 26 grade Celsius met moontlike donderstorms. Pretoria sal warmer wees, met 29 grade vandag en oggendstorms plek-vir-plek; 30 grade Sondag met donderstorms en ‘n bewolkte 28 grade Maandag. Kaapstad bly koeler, tussen 19 en 22 grade Celsius, met afwisselende buie.

Bly ingeskakel vir meer nuus……………….