Nuus 08:00

BULLETIN 21 Desember 8 vm

Goeiemôre. Ek is……..

In die bulletin:

# Die Finansiële Ombud verwelkom die terugbetaling van 60-miljoen-rand aan slagoffers van bankbedrog
# Die Nasionale Landboubemarkingsraad waarsku teen verhoogde beesvleispryse oor die feestyd
# En rugby: Die Stormers klop die Leeus in ‘n taai VRK-stryd

# Die Nasionale Finansiële Ombud se Bankafdeling het die 60-miljoen-rand verwelkom wat aan slagoffers van bankbedrog terugbesorg is. Dit is ‘n beduidende styging teenoor vorige jare. Die ombud sê daar was baie gevalle waar verbruikers onwetend eenmalige PIN’s gedeel het nadat hulle op bedrieglike skakels geklik het, en misdadigers toegang tot hul rekeninge gegee het. Mobiele en aanlyn bankbedrog maak nou byna 40-persent uit van klagtes, ‘n toename van 15-persent te midde van toenemende gesofistikeerde bedrog. Owerhede doen ‘n beroep op waaksaamheid en versigtige digitale bankpraktyke, veral gedurende die feestyd.

# Die Nasionale Landboubemarkingsraad sê beesvleispryse bly hoog hierdie feestyd, gedryf deur hoë aanvraag en bek-en-klouseergevalle. Die raad se ekonoom, Thabile Nkunjana, het aan Newzroom Afrika gesê verminderde slagvoorrade het rooivleispryse skerp opgestoot. Ten spyte van die feit dat inflasie in November tot 3,5-persent gedaal het, het vleispryse op ‘n jaargrondslag met meer as 12-persent gestyg. Hy het gesinne aangespoor om ander soorte vleis te koop, aangesien verligting eers na die vakansie verwag word:

# Die brand wat gister kort na middagete by die Laborie-wynlandgoed in die Paarl uitgebreek het, is suksesvol deur die Drakenstein Munisipaliteit se Brand- en Reddingsdienste in bedwang gebring. Brandspanne het gedurende die nag op die perseel gebly om die gebied te monitor en te verseker dat toestande bestendig bly. Twee strukture, die Cucina Di Giovanni-restaurant en die eerste vleuel van die akkommodasiegeriewe, is vernietig. Die historiese Herehuis en die tweede akkommodasievleuel is suksesvol beskerm. ‘n Ondersoek na die oorsaak van die brand sal gedoen word sodra die opruimingsoperasies voltooi is.

# ‘n Pakistanse hof het Saterdag voormalige premier Imran Khan en sy vrou Bushra Bibi elk tot 17 jaar tronkstraf gevonnis in ‘n korrupsiesaak wat die aankoop van luukse horlosies onder prys behels. Die jongste skuldigbevinding dra by tot ‘n reeks regsprobleme vir Khan, wat sedert Augustus 2023 agter tralies is. Hy staar tientalle sake in die gesig wat aanhangig gemaak is sedert hy in 2022 uit sy amp ontslaan is. Dit wissel van aanklagte vir korrupsie tot anti-terrorisme en staatsgeheime. Khan het oortreding in al die sake ontken, wat volgens sy party polities gemotiveerd is.

# Rugby: Die Stormers het hul onoorwonne rekord in die Verenigde Rugbykampioenskappe voortgesit deur die Leeus gister met 34-27 in ‘n taai stryd in die Kaapstad-stadion te klop. Met ‘n agterstand van 17-10 teen rustyd, het die gashere vroeg gesukkel nadat Ruan Venter twee drieë vir die besoekers gedruk het. In ‘n oorheersende tweede helfte-vertoning, aangevuur deur die “Bomb Squad”, het Wandisile Simelane, Paul de Villiers en Evan Roos drieë vir die Stormers aangeteken. Ondanks ‘n drie deur Kelly Mpeku laat in die tweede helfte, het die Stormers se verdediging gehou om hulle sewende agtereenvolgende VRK-oorwinning te verseker.

# En ten slotte: Die Soil of Africa-voorspraakbeweging het die Afrikabekertoernooi verwelkom as ‘n kragtige platform vir eenheid, vrede en ekonomiese integrasie in Afrika. Die openingseremonie vind vandag plaas. ‘n Woordvoerder, King Bongani Ramontja, sê sokker het in die verlede gemeenskappe bymekaar gebring en kan solidariteit op die vasteland bevorder. Hy vra leiers om AFCON te gebruik om intra-Afrika-handel, jeugbemagtiging en ekonomiese welvaart te bevorder, as ‘n verenigde Afrika bo sport:

Bly ingeskakel vir meer nuus……………….