Nuus 17:00

BULLETIN 11 Desember 5 nm

Goeiemiddag. Ek is……..

In die bulletin:

# Die EFF doen ‘n beroep op die parlement om misdaad, afpersing en wetstoepassing te ondersoek
# Die sakevertroue-indeks klim, maar SACCI waarsku die winste toon nie ‘n wydverspreide plaaslike ekonomiese verbetering nie
# En, brandbestryders is op hoë gereedheidsgrondslag vir brand op R46 tussen Artois en Boontjiesrivier

# Die EFF sê die Parlement moet dringend standpunt inneem om toenemende misdaad, afpersingsnetwerke en bewerings van inmenging in wetstoepassingsagentskappe te oorkom. Die party voer aan hierdie uitdagings vra streng wetgewende toesig in plaas van om slegs op meganismes staat te maak wat deur die uitvoerende gesag of regbank gedryf word. Die leier van die EFF, Julius Malema het aan die media gesê slegs besliste optrede deur die Parlement kan aanspreeklikheid herstel en gemeenskappe beskerm:

# Die Suid-Afrikaanse Kamer van Koophandel en Nywerheid sê die land se sakevertroue-indeks is 14,2-punte hoër as in 2024, vanaf 121,1 in September tot 132,3 verlede maand. Die uitvoerende hoof, Alan Mukoki, sê die verbetering word aangevuur deur oorsese toerisme en wêreldwye marksentiment eerder as wydverspreide plaaslike ekonomiese verbetering. Terwyl die meeste subindekse ‘n positiewe klimaat en energiekoste ondersteun, was laer uitvoervolumes negatief. Mukoki waarsku ondanks die herstel, beklemtoon trae reële ekonomiese bedrywighede die behoefte aan sterker belegging en strukturele hervormings.

# Die Kaapse Wynland Distriksmunisipaliteit se Brandweerdienste het lug- en grondspanne ontplooi om ‘n brand te blus wat aan beide kante van die R46 tussen Artois en Boontjiesrivier woed. Jo-Anne Otto van die munisipaliteit sê opdaterings oor die brandbestrydingspogings sal deurentyd verskaf word:

# Die Venezolaanse regering het hom sterk uitgespreek teen die Amerikaanse weermag se beslaglegging op ‘n groot olietenkskip aan sy kus en beskryf dit as ʼn ernstige internasionale misdaad. Amerika se prokureur-generaal, Pam Bondi, beweer die vaartuig was betrokke by ʼn onwettige olieverskepingsnetwerk wat buitelandse terroriste-organisasies ondersteun en olie tussen Venezuela en Iran vervoer. Die Venezolaanse regering sê Amerika se beleid van aggressie teen die land is deel van ʼn plan om sy energiebronne te plunder.

# Rugby: Die All Black-losvoorspeler Ardie Savea is die derde keer as Nieu-Seeland se beste speler aangewys op die jaarlikse toekenningseremonie. Dit volg ná ‘n seisoen waarin hy sy 100ste toets gespeel het. Die 32-jarige het ‘n derde Kelvin R Tremain-gedenkspeler van die Jaar-toekenning by sy eerbewyse van 2019 en 2023 gevoeg. Hy het Moana Pasifika geïnspireer in hul beste Superrugby-veldtog. Die span bestaan ​​uit spelers van verskeie eiland-lande in die Stille Oseaan, insluitend Fidji, Samoa, Tonga en die Cook-eilande.

# En die finansiële aanwysers: Die rand verhandel teen 16-rand-94-sent teen die dollar, 19-rand-85-sent teen die euro en 22-rand-68-sent teen die pond. Bitcoin verhandel teen 90-duisend-036-dollar. Die prys van goud is vier-duisend-212-dollar-96-sent per fynons en die prys van Brent ruolie 61-dollar-37-sent per vat.

Bly ingeskakel vir meer nuus……………….