Nuus 15:00

BULLETIN 2 September 3 nm

Goeiemiddag. Ek is……..

In die bulletin:

# Die Parlement en die Suid-Afrikaanse Skakelkantoor hou ‘n gespreksforum om gereedheid vir die G20-beraad te evalueer
# Die DA kritiseer Ramaphosa omdat hy grondbesettings in Zimbabwe prys
# En Mandla Mandela lei die Suid-Afrikaanse afvaardiging in die wêreldwye konvooi na Gaza

# Die parlementêre portefeuljekomitee oor Internasionale Betrekkinge en Samewerking, saam met die Suider-Afrikaanse Skakelkantoor, bied ‘n gespreksbyeenkoms aan oor Suid-Afrika se gereedheid vir die G20-beraad. Die byeenkoms sal ‘n platform bied om belanghebbendes te betrek oor verwagtinge vir Suid-Afrika se G20-presidentskap. Besprekings sluit in die rolle van betrokkenheidsgroepe soos die Jeug-20, Siviele-20, Vroue-20, Dink-20 en Sake-20, wat daarop gemik is om inklusiewe deelname aan globale bestuur te versterk.

# Die DA sê president Cyril Ramaphosa was verkeerd om die  grondbesettings van die vroeë 2000’s in Zimbabwe noodsaaklik en ambisieus te noem tydens sy besoek aan Harare verlede week. Die party sê die proses het die buurland se ekonomie vernietig en hongersnood veroorsaak. Hulle waarsku indien dit as ‘n voorbeeld gebruik word, hou dit die gevaar in om Suid-Afrika se omstrede Onteieningswet te bevorder. Die DA-lid, Willie Aucamp, sê grondhervorming moet billik en wettig wees, en die Grondwet respekteer:

# Nelson Mandela se kleinseun, Mandla Mandela, lei Suid-Afrika se afvaardiging in die grootste burgerlike maritieme sending om Israel se blokkade van Gaza uit te daag. Die vloot, wat met 50 vaartuie vanaf 44 nasies vanuit Barcelona in Spanje vaar, vervoer voedsel, mediese voorraad en baba-poeiermelk. Internasionale figure soos die Sweedse politieke aktivis Greta Thunberg en die Amerikaanse aktrise Susan Sarandon het aangesluit. Die sending sal ondanks stormvertragings in Tunisië hergroepeer. Die veldtog beklemtoon solidariteit met Palestina te midde van Suid-Afrika se volksmoordsaak teen Israel.

# Atletiek: Die opkomende ster-naelloper Bayanda Walaza is ingesluit in die Suid-Afrikaanse span van 49 atlete vir die Wêreldkampioenskap wat volgende Saterdag in Tokio afskop. Die 19-jarige het Donderdag vermoedelik ‘n dyspier seergemaak in die eindronde van die 100-meter op die Diamantliga-byeenkoms in Zürich, Switserland. Sy insluiting in die groep is blykbaar nie ‘n waarborg van fiksheid nie. Die span bestaan ​​uit 32 mans, 17 vroue en 11 aflos-atlete.

# Die finansiële aanwysers: Die rand verhandel teen 17-rand-72-sent teen die dollar, 20-rand-62-sent teen die euro en 23-rand-71-sent teen die pond. Bitcoin verhandel teen 110-duisend-155-dollar. Die prys van goud is drie-duisend-481-dollar-98-sent per fynons en die prys van Brent-ruolie 69-dollar-6-sent per vat.

# En die Departement van Sport, Kuns en Kultuur skop Erfenismaand 2025 af. Die parlementslid, Stacey-Lee Gaby Khojane, beklemtoon die projek se doelwit is om museums, argiewe en erfenisterreine in spilpunte vir vernuwing, insluiting en gemeenskapsontwikkeling te omskep. Khonjane sê die vierings sluit in Oudtshoorn in die Wes-Kaap af, en ‘n reünie van oud-politieke gevangenes word op Robbeneiland aangebied ter ere van Suid-Afrika se bevrydingshelde:

Bly ingeskakel vir meer nuus……………….