Eko-minuut 13:30

BULLETIN 26 Augustus 1:30 nm

Goeiemiddag, hier is jou Eko-minuut:

# Green Connection en Natural Justice sê die stryd om te verseker dat Suid-Afrika na ‘n billike energie- en ekonomiese toekoms oorskakel, is steeds ‘n opdraande stryd. Die Wes-Kaapse Hooggeregshof het vroeër die maand die regering se goedkeuring van TotalEnergies se blok-boorplanne aan die kus tussen Kaapstad en Kaap Agulhas omvergewerp. Shahil Singh van Green Connection sê hulle het gedetailleerde besware ingedien teen Main Street 1549 se konsepverslag oor omgewings- en maatskaplike uitwerkingstudies vir nog ‘n voorgestelde olie- en gasopname aan die kus:

# China het sy gebruik van steenkoolenergie in die eerste helfte van vanjaar die meeste nog uitgebrei in die afgelope nege jaar. Dit is volgens ‘n verslag deur die Sentrum vir Navorsing oor Energie en Skoon Lug. China het 21-gigawatt se steenkoolkrag in die eerste ses maande van die jaar by sy netwerk ingesluit. Die verslag lui dat die toename in steenkoolgebruik plaasvind namate China sy hernubare vermoë baie uitbrei. Die samesteller van die verslag, Christine Shearer, sê China se geweldige steenkoolbelange bedreig klimaatsdoelwitte.

# En ten slotte: ‘n Geval van ‘n vleisvretende beesbrommer-parasiet is die eerste keer in ‘n mens in Amerika gevind. Dit is opgespoor in ‘n persoon van Maryland wat uit Guatemala gereis het. Die vlieg vreet beeste en ander warmbloedige diere lewendig, met ‘n uitbreking verlede jaar in Sentraal-Amerika en Suid-Mexiko. Die vroulike beesbrommer-vlieg lê eiers in die wonde van warmbloedige diere. Wanneer die honderde eiers uitbroei, vreet die larwes deur lewendige weefsel. Behandeling behels die verwydering van die larwes en die ontsmetting van die wond.

Bly ingeskakel vir meer nuus……………….