Nuus 16:00

BULLETIN NUUSAGENTSKAP 11 Januarie 4 nm

Goeiemiddag. Ek is……..

In die bulletin:

# Gaza is in wanhoop gedompel te midde van bewerings oor Israel se optrede
# OUTA verwelkom nuwe verwikkelinge by N-S-FAS
# En, krieket: Windies-legendes maak hulle SA20-debuut in Durban

# Die Suid-Afrikaanse regering doen ‘n beroep op die Internasionale Geregshof in Den Haag, Nederland, om die haglike situasie in Gaza te ondersoek, met verwysing na ‘n ontstellende geskiedenis. Die regskenner Adila Hassim, wat gehelp het om Suid-Afrika se saak te stel, het ‘n kaart vertoon wat Israel se beperkende maatreëls illustreer. Sy het die hof versoek om nie beslissend oor volksmoord te besin nie, maar om oortredings van die Volksmoord-konvensie te erken. Hassim veroordeel die massamoorde in Gaza, wat veral vroue en kinders raak, en ‘n verwoestende uitwerking het op gesinne:

Nog ‘n regskenner in Suid-Afrika se volksmoordsaak teen Israel by die Internasionale Geregshof in Den Haag, Max du Plessis, sê die situasie in Gaza is nie bloot ‘n konflik tussen twee partye nie. Die hof het vandag Suid-Afrika se saak aangehoor, gevolg deur Israel se reaksie môre, te midde van wêreldwye oproepe vir ‘n wapenstilstand. Du Plessis het gepraat oor beskuldigings van volksmoord teen Israel en aangevoer wat gebeur, behels vernietigende dade van Israel, ‘n besettingsmag wat Palestynse regte reeds langer as ‘n halfeeu skend:

# Die Organisasie teen Belastingmisbruik ondersteun die besluit van die voorsitter van die raad van die Nasionale Finansiële Hulpskema vir Studente, Ernest Khosa, om vir 30-dae vrywillig met verlof te gaan te midde van bewerings van omkopery. OUTA sê opnames wat hy vrygestel het, het Khosa se besluit beïnvloed te midde van ondersoeke. Hy het die raad verseker hy het nooit enige persoonlike beloning ontvang of enige gereël vir die minister van Hoёr Onderwys, Wetenskap en Innovering, Blade Nzimande, of die Suid-Afrikaanse Kommunisteparty nie.

# ActionSA in Gauteng doen ‘n beroep op die regering om dringend aandag te skenk aan die kwessie rondom wanfunksionele skole in die provinsie, met die 2024-skooljaar wat nader kom. ActionSA se Gautengse voorsitter, Funzi Ngobeni, het by die Laerskool Durban Deep gesê dit is onaanvaarbaar vir kinders om gedwing te word om in onvoldoende omstandighede te leer. Dit sluit in die gebrek aan behoorlike badkamergeriewe, opsetlike beskadiging en geriewe wat nie behoorlik onderhou word nie. Ngobeni beklemtoon, die gebrek aan dienslewering stel die gesondheid en waardigheid van leerders in gevaar.

# Krieket: Twee van die grootste name in T20-krieket maak vanmiddag hulle debuut in die SA20 op Kingsmead in Durban. Die Windies-kolwers Kieron Pollard en Nicholas Pooran maak hulle buiging vir onderskeidelik M-I Cape Town en Durban Super Giants. Pollard voer die besoekers aan. Pooran was vanjaar wêreldwyd in ‘n vernietigende vorm in T20-toernooie. Hy hou van die weer in Durban, want dis baie soos by die huis. Die Durbanse span word aangevoer deur die Protea-bouler Keshav Maharaj. Die wedstryd begin vanmiddag half-ses.

# En die finansiële aanwysers: Die rand verhandel teen 18-rand-60-sent teen die dollar, 20-rand-43-sent teen die euro en 23-rand-74-sent teen die pond. Bitcoin verhandel teen 47-duisend-134-dollar-87-sent. Die prys van goud is twee-duisend-en-33-dollar-15-sent per fynons en die prys van Brent ruolie 78-dollar-16-sent per vat.

Bly ingeskakel vir meer nuus……………….