Nuus 09:00

BULLETIN 26 Februarie 9 vm

Goeiemôre. Ek is……..

In die bulletin:

# Cosatu verwelkom Suid-Afrika se gryslys-vordering
# Die Lughawensmaatskappy appelleer teen ’n hofuitspraak oor bagasiesiftingstoerusting
# En die VSA en die Oekraïne stem glo saam oor ‘n seldsame aardmineraalooreenkoms

# Cosatu het die regering se vordering geloof met die verwydering van die land van die Finansiële Aksietaakmag se gryslys. Suid-Afrika is in Februarie 2023 op die gryslys geplaas omdat hy nie aan internasionale standaarde voldoen het nie wat verband hou met geldwassery en onwettige geldvloei. Die Nasionale Tesourie het 20 van die 22 aksie-items op sy aksieplan suksesvol afgehandel. Cosatu se woordvoerder, Matthew Parks, sê dit is noodsaaklik vir die regering om toe te sien dat Suid-Afrika teen Oktober van die gryslys verwyder is:

# Die Lughawensmaatskappy van Suid-Afrika het aansoek gedoen vir verlof om te appelleer teen ‘n Gautengse Hooggeregshof-beslissing wat sy verkryging van bagasie-siftingstoerusting keer. Die uitspraak van November 2024 het Lugvaartkoördineringsdienste toegelaat om voort te gaan om toesig te hou oor bagasiesifting, terwyl ACSA gekeer word om nuwe toerusting te koop totdat ‘n regsoorsig voltooi is. ACSA voer aan dat hy, as die lughawe-owerheid, ‘n billike verkrygingsproses moet verseker.

# Build One South Africa sê hy betoog vandag saam met verskeie politieke en gemeenskapsorganisasies in aanloop tot die Wes-Kaapse premier, Alan Winde, se provinsiale rede in Beaufort-Wes. Die betoging is ‘n dringende oproep dat die besnoeiing van onderwysposte onmiddellik gestaak word en vir groter begrotingstoekennings om onderwysers in die provinsie aan te stel. BOSA-woordvoerder, Roger Solomons, sê dis onaanvaarbaar dat sowat twee-duisend onderwysposte afgeskaf is:

# Amerika en Oekraïne het glo ‘n groot minerale ooreenkoms gesluit. Oekraïne beskik oor baie groot noodsaaklike elemente en minerale insluitend litium en titanium asook aansienlike steenkool-, gas- en uraan-neerslae. Na wat berig word sluit die ooreenkoms gesamentlike eienaarskap van ‘n fonds in en Oekraïne sal in die toekoms 50-persent van die toekomstige verdienste uit staatshulpbronne bydra, insluitend minerale, olie en gas. Amerika probeer toegang kry tot Oekraïne se noodsaaklike minerale en ander hulpbronne as deel van wyer onderhandelings om die oorlog in Kiëf te beëindig.

# Sokker: Die Premierliga-wedloop om vir volgende seisoen se Kampioeneliga te kwalifiseer, raak spannend. Chelsea het Southampton by Stamford Bridge met vier-nul afgeransel om op die Premierliga-ranglys te vorder ná slegs hul derde oorwinning in elf wedstryde. Aston Villa het met vier-een teen Crystal Palace verloor wat ʼn groot terugslag is vir hul poging om plek in die Kampioeneliga te kry. Brighton se kanse op ʼn Europese kwalifikasie lyk beter nadat hulle met Bournemouth afgereken het en net drie punte kort om die topvier te haal. 

# En die finansiële aanwysers: Die rand verhandel teen 18-rand-42-sent teen die dollar, 19-rand-35-sent teen die euro en 23-rand-30-sent teen die pond. Bitcoin verhandel teen 89-duisend-122-dollar. Die prys van goud is twee-duisend-915-dollar-4-sent per fynons en die prys van Brent ruolie 72-dollar-66-sent per vat.

Bly ingeskakel vir meer nuus……………….