Nuus 13:00

BULLETIN 8 Desember 1 nm

Goeiemiddag. Ek is……..

In die bulletin:

# Assad vlug uit Sirië en die eerste minister onderneem om saam te werk met die nuwe leierskap
# ‘n Onderwysaktivis sê Suid-Afrika het sy bes gedoen in ‘n studie oor Tendense in Internasionale Wiskunde en Wetenskap
# En, motorsport: Norris van McLaren spring voor weg in die Abu Dhabi Grand Prix

# Ons begin in die buiteland waar rebellemagte in Damaskus Sirië se hoofstad “vry” verklaar het van die lankregerende Bashar al-Assad, terwyl regeringmagte onttrek. Assad was byna 25 jaar aan bewind en het per vliegtuig gevlug na ‘n onbekende plek. Ongeverifieerde video’s op sosiale media toon duisende gevangenes wat bevry word uit die berugte Saydnaya-tronk, waar Assad se teenstanders gemartel en tereggestel is. Die eerste minister van Sirië, Mohammed al-Jalali, sê hy is gewillig om saam te werk met enige leierskap wat deur die land se burgers gekies word, om ‘n gladder magsoordrag te verseker.

# Terug op die tuisfront het die onderwysaktivis Hendrick Makaneta Suid-Afrika gelukgewens omdat hy veerkragtig gebly het te midde van moeilike mededinging in die studie oor Internasionale Wiskunde- en Wetenskaptendense. Hy sê Suid-Afrika toon steeds ‘n prysenswaardige toewyding aan die verbetering van wiskunde- en wetenskap-onderwys, soos blyk uit die land se deelname aan die 2023-studie. Makaneta sê die studie gee ‘n globale maatstaf:

# Die Nasionale Energiereguleerder het die Hooggeregshof in Pretoria se uitspraak verwelkom wat AfriForum se aansoek van die hand gewys het om ‘n hofbevel van Julie vanjaar uitgevoer te kry. Die woordvoerder van die reguleerder, Charles Hlebela, sê ingevolge die uitspraak in Julie moes munisipaliteite wat misluk het hulle tariewe baseer op die koste van voorsieningstudies om die Nersa-goedgekeurde tariewe vir die 2023/2024-boekjaar in te stel:

# Die voorsitter van die parlementêre portefeuljekomitee oor Gesondheid, Sibongiseni Dhlomo, verwelkom die onlangse uitspraak deur die Hooggeregshof in die Wes-Kaap om die onteerde prokureur Zuko Nonxuba van die rol te skrap as regspraktisyn. Die komitee sê Nonxuba se optrede, wat oneerlikheid insluit en die uitbuiting van kliënte wie se kinders ly aan ernstige geboortebeserings, verteenwoordig ‘n afstootlike vertrouensbreuk:

# En ten slotte, motorsport: Lando Norris het die voorste wegspringplek ingepalm in die Abu Dhabi Grand Prix, met sy spanmaat Oscar Piastri langs hom. Hulle hoop om die vervaardigerskampioenskap vir McLaren te wen. Die wêreldkampioen Max Verstappen is in die sesde plek in sy Red Bull, terwyl die sewemalige kampioen Lewis Hamilton, wat in die eerste kwalifiserende sessie uitgeskakel is, in sy laaste wedren vir Mercedes in die 18de plek wegspring. Carlos Sainz, in sy laaste wedren vir Ferrari, was derde vinnigste, terwyl Nico Hulkenberg verras het met ‘n uitstekende vierde plek vir Haas.

Bly ingeskakel vir meer nuus……………….