Eko-minuut 13:30

BULLETIN NUUSAGENTSKAP 5 Desember 1:30 nm

Goeiemiddag. Hier is jou Eko-minuut:

# Die Gautengse Hooggeregshof het teen die regering se plan beslis om een-duisend-500 megawatt steenkoolkrag aan te skaf en beskou dit as ongrondwetlik weens gesondheidsgevare. Omgewingsgroepe het die besluit betwis en die hof het bevind die plan van 2019 is onwettig en wys op die ernstige uitwerking van steenkool op openbare gesondheid. Regter Cornelius van der Westhuizen het veral verwys na die skending van die grondwetlike reg op gesondheid. Aktiviste sê ondanks hierdie oorwinning maak Suid-Afrika steeds te veel staat op steenkool, maar bevorder hernubare energie.

# Amerika voer aan hy is nie finansieel aanspreeklik vir kweekhuisgas-vrystellings van die verlede nie, en huidige menseregtewette voorsien nie ‘n reg op ʼn gesonde omgewing nie. Die land se verteenwoordiger, Margaret Taylor, het ʼn mondelinge voorlegging by die Internasionale Geregshof gedoen. Die hof sal op versoek van die Verenigde Nasies se Algemene Vergadering bepaal wat lande se bestaande finansiële aanspreeklikheid is vir hul bydrae tot klimaatsverandering. Taylor sê Amerika erken die klimaatskrisis is een van die mensdom se ergste ooit.

# En ʼn Amerikaanse studie het bevind blootstelling aan algemene lugbesoedelaars soos organiese koolstof en fynstof kan onvrugbaarheid verhoog. Een-duisend-400 mense wat met in vitro-bevrugting besig is, is betrek by die navorsing oor die uitwerking van besoedeling op mans en vroue. Daar is bevind besoedelingstowwe, veral van voertuie en veldbrande, beïnvloed vrugbaarheidsyfers negatief. Die navorsers sê blootstelling moet verminder en lugfiltreerstelsels gebruik word, veral tydens belangrike stadiums van bevrugting.

Bly ingeskakel vir meer nuus……………….