Nuus 07:00

BULLETIN 3 Desember 7 vm

Goeiemôre. Ek is……..

In die bulletin:

# Fikile Mbalula sê die SAKP se voorneme om die 2026 plaaslike regeringsverkiesing te betwis sal gevolge hê
# Die Republikeinse speaker van die Huis kritiseer president Biden se besluit om sy seun vry te skeld
# En rugby: John Dobson glo steeds die Stormers kan hul nagmerrieseisoen omkeer

# Die ANC se sekretaris-generaal, Fikile Mbalula, sê die Suid-Afrikaanse Kommunistiese Party se besluit om in 2026 onafhanklik aan die plaaslike verkiesing deel te neem, hou ernstige gevolge vir die alliansie in. Die SAKP beplan om by sy komende vyfde Spesiale Nasionale Konferensie te besluit hoe om dit te doen. Mbalula sê die ANC-leierskap het die SAKP oor sy kommer ingelig:

# Die ANC onderneem om moeilike besluite te neem om die party se invloed in KwaZulu-Natal te herwin en te herbou. Die sekretaris-generaal van die ANC, Fikile Mbalula, het na ‘n vergadering met die provinsiale leierskap verduidelik dit gaan nie oor ontbinding of ingryping nie, maar om planne te finaliseer om die provinsie se uitdagings aan te spreek. Mbalula het aan die media gesê die ANC neem kennis van die kwessies in die provinsie en die nasionale uitvoerende komitee sal die volgende stappe bepaal na afloop van ‘n deeglike ontleding:

# Die African Critical Minerals-beraad vind tans by die Sandton Konvensiesentrum plaas. Die beraad ondersoek die rol van Afrika se kritieke minerale in die oorgang na groen energie. Woordvoerder Malebogo Mohape sê die agenda sluit in die aanspreek van volhoubaarheid, wêreldwye vraag en vernuwende benaderings, insluitend sekondêre verkryging van mynbouprodukte. Sy sê organiseerders beklemtoon Afrika se unieke posisie om billike groei en globale bestendigheid in die voorraadketting aan te dryf:

# Eskom het bevestig dat die Stad Tshwane ‘n betalingsooreenkoms onderteken het om sy skuld van 6,67-miljard-rand te vereffen. Die kragverskaffer het die metro hof toe geneem weens sy agterstallige skuld vir massa-elektrisiteitsvoorsiening. Die twee partye het egter ooreengekom op ŉ betalingsplan van vyf jaar. Eskom se woordvoerder, Daphne Mokwena, sê Tshwane sal die eerste paaiement van 400-miljoen-rand hierdie maand betaal en die laaste een in Maart 2029:

# Die Republikeinse speaker van die Huis, Mike Johnson, het president Joe Biden gekritiseer omdat hy sy belofte dat hy nie sy seun Hunter sou kwytskeld nie, verbreek het. Hy sou hierdie maand gevonnis word vir federale belasting- en vuurwapenoortredings. Biden het Sondag gesê hy het sy seun kwytgeskeld omdat hy selektief en onregverdig vervolg is. Johnson sê die Bidens se gebruik en misbruik het vertroue in die regstelsel byna onherstelbaar verwoes. Hy sê die regstelsel moet hervorm word.

# Rugby: Die Stormers se direkteur van rugby, John Dobson, sê daar is nie druk op sy span voor die begin van die Kampioenebeker-kompetisie nie. Hulle speel Saterdag in Gqeberha teen Toulon, en ‘n week later oorsee teen Harlequins. Die Stormers is tans 13de op die Verenigde Rugbykampioenskap se punteleer na vier nederlae in ses wedstryde, maar Dobson meen hulle kan nog die seisoen omkeer. Hy sê hulle het sonder vyf Springbokke teen die Haaie gespeel, maar steeds groot veggees getoon in hulle nederlaag van 15-22.

# En die finansiële aanwysers: Die rand verhandel teen 18-rand-18-sent teen die dollar, 19-rand-7-sent teen die euro en 22-rand-99-sent teen die pond. Bitcoin verhandel teen 95-duisend-536-dollar-72-sent. Die prys van goud is twee-duisend-636-dollar per fynons en die prys van Brent ruolie 71-dollar-82-sent per vat.

Bly ingeskakel vir meer nuus……………….