Nuus 16:00

BULLETIN NUUSAGENTSKAP 2 Desember 4 nm

Goeiemiddag. Ek is……..

In die bulletin:

# Die AA waarsku motoriste oor moontlike brandstofprysverhogings hierdie vakansietydperk 
# Die Grensowerheid verskerp beheer oor organofosfaat-invoere en die onwettige binnekoms van immigrante
# En, rugby: Die Blitsbokke gaan werk maak van swak plekke voor die naweek se Kaapstadse Sewes

# Die Outomobiel-Assosiasie waarsku motoriste om Woensdag verskillende brandstofprysveranderings te verwag. Die prys van 93-oktaan petrol kan met sewe-sent daal, maar 95-oktaan sal waarskynlik met drie-sent per liter styg. Die prys van diesel en lampolie sal na verwagting ook styg. Die AA se woordvoerder, Eleanor Mavimbela, sê hierdie veranderings, sowel as aanpassings aan bedryfsmarges, kan veroorsaak dat brandstofpryse verder styg:

# Die kommissaris van die Grensbestuursowerheid, Michael Masiapato, waarsku teen onwettige binnekoms van mense na Suid-Afrika en die invoer van organofosfaat-chemikalieë. Hy het aan die media gesê verskerpte grensveiligheid, insluitend meer personeel, sal hierdie maatreëls afdwing. Masiapato bevestig onwettige mynwerkers wat onlangs in hegtenis geneem is, sal gedeportee en verbied word om terug te keer. Hy het ook streng operasionele opdragte uitgereik oor hoe om organofosfaat-produkte te verhoed na voorvalle van  voedselvergiftiging:

# Die Staal- en Verwante Nywerheidsfederasie van Suider-Afrika maan kostestrukture moet verbeter vir die staalsektor om te oorleef. Uitvoerende hoof Lucio Trentini sê waardetoevoeging in die produksieketting moet styg, en waarde-toegevoegde uitvoere is nodig vir die volhoubaarheid van die sektor. Hy beklemtoon die behoefte aan ‘n holistiese staalbeleid, gesamentlik geskep met die Departement van Handel, Nywerheid en Mededinging. Trentini vra onmiddelike regeringsingryping, waaronder die verlaging van logistieke koste en die aanmoedig van die gebruik van plaaslike staal, sowel as samewerking tussen die bedryf en die regering.

# Die vyfde sitting van die Tussenregerings-onderhandelingskomitee vir ‘n Wêreldwye Plastiekverdrag het sonder enige ooreenkoms geëindig. Die Pan-Afrikaanse Plastiekprojek is teleurgesteld omdat dit nie die uitwerking van plastiekbesoedeling op gemeenskappe in oënskou geneem het nie. Intussen beklemtoon Graham Forbes van Greenpeace die behoefte aan meer ambisieuse en bindende teikens om die produksie van plastiek te verminder om gemeenskappe te beskerm. Ten spyte van die terugslae is meer as 100 lidlande verbind tot ‘n verdrag, met hoop op vordering in toekomstige onderhandelings.

# Rugby: Die hoofafrigter van die Blitsbokke, Philip Snyman, sê sy span se onvermoë om besit te verkry en te behou is ‘n sleutelgebied waaraan hulle moet werk voor hierdie naweek se sewestoernooi in Kaapstad. Hy is ontevrede met sy manne se vertoning in die eerste toernooi in die nuwe reeks in Dubai die afgelope naweek waar hulle as die verdedigende kampioen slegs sesde kon eindig. Snyman sê egter hy bly positief hulle kan dinge regstel. Suid-Afrika speel in Groep C teen Argentinië en Ierland.

# En die finansiële aanwysers: Die rand verhandel teen 18-rand-17-sent teen die dollar, 19-rand-13-sent teen die euro en 23-rand-9-sent teen die pond. Bitcoin verhandel teen 95-duisend-176-dollar. Die prys van goud is twee-duisend-642-dollar-84-sent per fynons en die prys van Brent-ruolie 72-dollar-69-sent per vat.

Bly ingeskakel vir meer nuus……………….