Nuus 16:00

BULLETIN NUUSAGENTSKAP 29 November 4 nm

Goeiemiddag. Ek is……..

In die bulletin:

# Binnelandse Sake verleng die geldigheid van Zimbabwiese vrystellingspermitte met ‘n jaar
# SADOU veroordeel die BELA Wet-ooreenkoms en noem dit ‘n aanval op transformasie
# En, motorsport: Nog ‘n senior ampsdraer sluit aan by die uittog uit die FIA

# Die minister van Binnelandse Sake, Leon Schreiber, het die geldigheid van Zimbabwiese vrystellingspermitte tot 28 November volgende jaar verleng. Die aankondiging is vandag in die Staatskoerant gepubliseer en volg op die opdrag van die Hooggeregshof om ZEP-houers en belanghebbendes te raadpleeg oor die toekoms van die permit. Die verlenging maak vandag se sperdatum tot niet en laat individue met bykomende tyd. Die ZEP-program is wyd gedebatteer oor die moontlike gevolge vir Zimbabwiese burgers in Suid-Afrika.

# Die onderwysvakbond Sadou verwerp die bilaterale ooreenkoms oor die Wysigingswet op Basiese Onderwyswette ten sterkste. Die ooreenkoms is by Nedlac tussen die minister van Basiese onderwys, Siviwe Gwarube, Solidariteit, en AfriForum bereik. Die vakbond doen ‘n beroep vir die wet om teen 13 Desember ten volle in werking gestel te word. Sadou se woordvoerder, Nomusa Cembi, beskuldig Gwarube omdat sy die grootste onderwysvakbond uitgesluit het terwyl sy in gesprekke betrokke was met nie-verteenwoordigende groepe:

# Die DA verwelkom minister Parks Tau se besluit om teen die uitspraak van die Mededingingstribunaal te appelleer wat Vodacom se verkryging van ‘n belang in Maziv verhoed. Hierdie stap bied ‘n geleentheid om die mededingingsbeleid in Suid-Afrika te hervorm om beleggings en ontwikkelingsdoelwitte beter te ondersteun. Die vennootskap hou die belofte in van bekostigbare internet en tot 10-duisend werksgeleenthede wat agtergeblewe gemeenskappe sal bevoordeel. DA-woordvoerder Mlondi Mdluli glo mededinging en inklusiwiteit moet mekaar balanseer:

# Motorsport: Nog ‘n senior ampsdraer het vertrek by die beheerliggaam, die F-I-A-, wat die getal die afgelope twee weke op vier te staan bring. Die jongste om te gaan is die senior baanbeampte Tim Mayer, wat na 15-jaar afgedank is. Dit volg op die vertrek van die adjunk-wedrendirekteur van Formule Twee, Janette Tan, en die afdanking van nog twee werknemers. Mayer sê hy kon nie glo die liggaam het nie alles moontlik gedoen om Tan te behou nie, wat hy beskryf as die beste van die volgende geslag wedrendirekteurs.

# Die finansiële aanwysers: Die rand verhandel teen 18-rand-4-sent teen die dollar, 19-rand-5-sent teen die euro en 22-rand-90-sent teen die pond. Bitcoin verhandel teen 97-duisend-505-dollar. Die prys van goud is twee-duisend-660-dollar-83-sent per fynons en die prys van Brent-ruolie 72-dollar-36-sent per vat.

# En ten slotte: ‘n Australiese tienernuusbaas sê wetgewing wat onder-16’s op sosiale media verbied, is ‘n baie swak idee wat die kreatiwiteit van jongmense sal smoor. Die 17-jarige Leo Puglisi se landwye nuusstromingsplatform word slegs deur tieners bedryf. Hy werk vanuit sy slaapkamer in sy ouerhuis in Melbourne. Puglisi het in 2019 begin om plaaslike nuusvideo’s op die YouTube-kanaal van Kanaal 6 Nuus te laai. Daar is nou tien verslaggewers van tussen 15 en hul laat tienerjare, met 29-duisend-600 intekenare en nog 40-duisend-700 op X.

Bly ingeskakel vir meer nuus……………….