Nuus 13:00

BULLETIN NUUSAGENTSKAP 26 November 1 nm

Goeiemiddag. Ek is……..

In die bulletin:

# Tshwane aktiveer ‘n rampbedryfsentrum om die krisis met voedseloordraagbare siektes te hanteer
# Gholf: Tiger Woods gaan nie aan volgende maand se Hero World Challenge deelneem nie
# En, FNB voorspel drie-miljard-rand se besteding tydens die komende Swart Vrydag-naweek

# Die Stad Tshwane het sy rampbedryfsentrum geaktiveer na aanleiding van die toename in voedseloordraagbare siektes wat met spazawinkels verbind word. Byna 900 gevalle en meer as 20 sterftes is landwyd aangemeld. Die sentrum funksioneer op Vlak 2, wat dit moontlik maak dat talle sektore die krisis doeltreffend kan bestuur en bekamp. Die metro sê die sentrum sal vinnige reaksie verseker om spazawinkels te inspekteer, beslag te lê op gevaarlike stowwe, en die nakoming van munisipale gesondheids- en veiligheidsregulasies af te dwing.

Die Activists and Citizens Forum sê intussen die huidige uitdagings met spazawinkels kon lankal hanteer gewees het as president Cyril Ramaphosa die politieke wil gehad het. Die forum se woordvoerder, Dennis Bloem, sê die instroming van onwettige, ongedokumenteerde buitelanders is ook ‘n groot probleem:

# Die Namibiese Polisiemag gaan in samewerking met die land se Verkiesingskommissie vyf-duisend-en-42 beamptes ontplooi as deel van meer as twee-duisend stembusspanne. Hulle word by vier-duisend-677 lokale landwyd ontplooi vir môre se verkiesing vir president en die Nasionale Vergadering. Hoofinspekteur Elifas Kuwinga sê hierdie grootskaalse operasie verseker veiligheid en sekerheid, ondersteun deur die hele sekerheidsgroepering. Hy het hom verbind tot die handhawing van ‘n gladde stemproses:

# Gholf: Die vyftienmalige major-wenner, Tiger Woods, sê hy gaan nie volgende maand aan die Hero World Challenge in Albany in die Bahamas deelneem nie. Die 48-jarige speler is in September geopereer om rug-spasmas en -pyn te verlig wat sy beperkte speelprogram hierdie seisoen belemmer het. Die Amerikaner het vanjaar in drie van die vier majors nie die afsnypunt gehaal nie. Woods sê hy is teleurgesteld dat hy nie sal kan deelneem aan die toernooi, wat hy gaan aanbied nie.

# Die finansiële aanwysers: Die rand verhandel teen 18-rand-9-sent teen die dollar, 19-rand-2-sent teen die euro en 22-rand-74-sent teen die pond. Bitcoin verhandel teen 93-duisend-517-dollar. Die prys van goud is twee-duisend-623-dollar-4-sent per fynons en die prys van Brent-ruolie 72-dollar-85-sent per vat.

# En ten slotte: FNB voorspel meer as 19,5-miljoen transaksies ter waarde van drie-miljard-rand gedurende vanjaar se Swart Vrydag-naweek, omdat dit saam val met betaaldag en ekonomiese herstel. Digitale betalings sal na verwagting met 40-persent styg, met aanlyn verkope wat met tien-persent sal toeneem. Kleinhandelaars is optimisties oor sterk verbruikersbesteding, ondersteun deur rentekoersverlagings en onttrekkings deur die tweepot-aftreestelsel. Intussen voorspel ontleders dat Swart Vrydag-verkope 88-miljard rand tot Suid-Afrika se ekonomie kan voeg.

Bly ingeskakel vir meer nuus……………….