Nuus 11:00

BULLETIN 24 November 11 vm

Goeiemôre. Ek is……..

In die bulletin:

# Eskom moedig klante aan om elektrisiteitskyfies te koop voor die afsluiting
# Save South Africa eis president Ramaphosa moet onmiddellik bedank oor leierskapmislukkings
# En rugby:  Rassie Erasmus prys die Bokke vir hulle onoorwonne uitgaande toer

# Eskom moedig klante aan om elektrisiteitskyfies te koop voor die spertyd vandag om voorafbetaalse meters op te gradeer. Woordvoerder Daphne Mokoena maan meters sal ophou werk sonder die opgradering. Klante moet skyfies koop by enige van Eskom se 52-duisend goedgekeurde verkopers. Sy het aan Newzroom Afrika gesê bystand met meternommers sal volgende week beskikbaar wees:

# Die Save South Africa-burgerlike beweging vra president Cyril Ramaphosa moet uittree oor leierskapmislukkings, toenemende misdaad en kindersterftes weens vergiftigte goedere. Hulle kritiseer Ramaphosa se gebrek aan optrede om die grense te beskerm, en vir toegang tot onwettige wapends. Die woordvoerder Tebogo Mashilompane beweer sy leierskap het openbare vertroue ondermyn en eis besliste optrede teen werkloosheid, misdaad en korrupsie om die regering se geloofwaardigheid te herstel:

# Aartsbiskop Thabo Makgoba van Kaapstad het ‘n paneel van drie mense aangestel om die Anglikaanse Kerk se hantering van verslae oor mishandeling deur die voormalige Britse prokureur John Smyth te hersien. Gemeenskapsleier Mamphela Ramphele, advokaat Jeremy Gauntlett en afgetrede regter Ian Farlam sal op die paneel dien. Die paneel sal die optrede van die kerk in die verlede in Suid-Afrika dek, insluitend die hantering van ‘n verslag oor Smyth se uitbuiting in Brittanje en Zimbabwe. Die paneel sal ook maatreëls aanbeveel oor hoe die kerk gemeentelede kan beskerm teen mishandeling.

# Die COP29-klimaatsamesprekings het ‘n laaste-minuut-ooreenkoms aangegaan oor kontant vir ontwikkelende lande. Die spitsberaad het amper ineengestort nadat ‘n groep lande vroeër uitgestorm het. Die lande in Baku het oornag ingestem oor ‘n teiken vir ryker besoedelende lande om teen 2035 5,4-duisend-miljard-rand per jaar op te dok om armer lande te help teen klimaatsverandering en om daarby aan te pas. Afgevaardigdes sê hulle is gedwing om dit te aanvaar en kon nie tot volgende jaar wag nie, wanneer die klimaatontkenner Donald Trump se presidentskap dinge nog verder sal bemoeilik.

# En, rugby: Springbokafrigter Rassie Erasmus het die spelers al die krediet gegee nadat die span hulle uitgaande toer onoorwonne afgesluit met ‘n oorwinning oor Wallis. Erasmus sê die spelers se geduld met al die veranderings aan die groep deur die seisoen was bewonderenswaardig. Die Bokke het 11 van hulle 13 wedstryde in 2024 gewen, met slegs twee nederlae met een punt, onderskeidelik teen Ierland en Argentinië. Kaptein Siya Kolisi het op sy beurt die span se sukses in dié seisoen en oor die afgelope paar jaar aan Erasmus toegeskryf.

Bly ingeskakel vir meer nuus……………….