Nuus 11:00

BULLETIN 23 November 11 vm

Goeiemôre. Ek is……..

In die bulletin:

# President Cyril Ramaphosa vra penetrasie van entrepreneurskap in Suid-Afrika
# Die Nelson Mandela-kinderfonds vra meer optrede teen voedseloordraagbare siektekrisis
# En gholf: Harde werk werp vrugte af vir Wynand Dingle in die PGA-kampioenskap

# President Cyril Ramaphosa het Suid-Afrika se trae enterpreneurskapkoers beklemtoon, met net tien-persent wat nuwe ondernemings beplan, wat die laagste in 20 jaar is. Ramaphosa het op die Presidensiële Mikro-, Klein- en Mediumonderneming en Koöperasie-toekennings gepraat, en beklemtoon terwyl Afrika floreer met entrepreneursbedrywigheid, is daar ‘n behoefte om entrepreneurs te steun met befondsing, hervorming van regulasies en opleiding. Hy sê om entrepreneurskap te verdubbel is deurslaggewend vir werkskepping:

# Die Nelson Mandela-kinderfonds verwelkom die verklaring van voedseloordraagbare siektes tot ‘n nasionale ramp, na die dood van minstens 22 kinders landwyd. Die uitvoerende hoof Linda Ncube-Nkomo eis dringende regeringsoptrede, waaronder die sluiting van spazawinkels wat nie voldoen nie en die afdwinging van kosveiligheidstandaarde. Sy het met Newzroom Afrika gepraat en die behoefte aan samewerking beklemtoon, om openbare gesondheid te beskerm en nog tragedies te voorkom:

# Die verkose president Donald Trump het gister ‘n voormalige NFL-speler en Withuisamptenaar benoem as leier van die Departement van Behuising en Stedelike Ontwikkeling. Sou dit deur die Senaat goedgekeur word, sal Turner ‘n agentskap lei wat regverdige behuisingswette afdwing, verbandversekering aan voornemende huiseienaars administreer en subsidies gee aan laer-inkomstefamilies. Turner was nou betrokke by die America First-beleidsinstituut, wat gehelp het om die verkose president se agenda te ontwikkel. Hy het in Texas grootgeword en nege jaar in die NFL gespeel.

# Gholf: Wynand Dingle het gister sy voorsprong behou in die Suid-Afrikaanse PGA-kampioenskap op St Francis Links en pak die naweek vasberade aan om munt te slaan uit sy harde werk oor die afgelope paar maande. Dingle het 68 aangeteken in die tweede ronde en loop met 11 onder syfer voor. Hy is een hou voor Barend Botha en die veelvoudige Sunshine-toerwenner Rourke van der Spuy. Dingle sê hy wil sy naam voeg by die lys wenners op die gesogte beker.

# En die Universiteit van die Vrystaat het die gerekende akademikus, Hester Klopper, as sy nuwe visekanselier en rektor aangestel. Klopper is tans adjunk-visekanselier by die Universiteit Stellenbosch met meer as 30 jaar se leierskap in die akademie en nie-regeringsorganisasies, asook kundigheid in strategie, vernuwing en globale betrokkenheid. Sy volg waarnemende visekanselier, Anthea Rhoda, op. Volgens Klopper is sy geëerd om die universiteit te lei en is daartoe verbind om inklusiwiteit en vernuwing te bevorder en om die instelling se Visie 130-doelwitte te bevorder.

Bly ingeskakel vir meer nuus……………….