Nuus 07:00

BULLETIN NUUSAGENTSKAP 28 September 7 vm

Goeiemôre. Ek is……..

In die bulletin:

# ATM moedig Suid-Afrikaners aan om die gees van aktivisme aan te wakker en te veg vir gelykheid 
# Die EFF kritiseer die NVG oor ligte vonnisoplegging in die Steinhoff-binnehandelsaak
# En, rugby: Baie is op die spel in vandag se laaste Rugbykampioenskap-ronde

# Die African Transformation Movement het ‘n beroep op Suid-Afrikaners gedoen om hul gees van aktivisme aan te wakker in die stryd vir gelykheid. Ná die repatriasie van 42 gevalle helde het die party beklemtoon hoe belangrik dit is om hul opofferings te eer deur voortdurende kwessies soos armoede en korrupsie aan te pak. Die ATM se woordvoerder, Zama Ntshona, het burgers aangemoedig om gesamentlike welstand voorop te stel en nie persoonlike gewin nie, om die voortgesette strewe na geregtigheid en bemagtiging vir almal te verseker:

# Die EFF het die Nasionale Vervolgingsgesag gekritiseer omdat hulle die voormalige Steinhoff-geneesheer, Gerhardus Burger, ‘n opgeskorte vonnis opgelê het. Hy het skuldig gepleit op ‘n aanklag van binnehandel, maar het steeds volgens die party ‘n te ligte vonnis gekry , wat onvoldoende is, in ag genome die aansienlike finansiële skade wat werkers en beleggers ná Steinhoff se ineenstorting berokken is. Die EFF se woordvoerder, Leigh-Ann Mathys, beskuldig die NVG daarvan dat hy te sag is op wit korporatiewe misdadigers en vra Burger moet tronkstraf kry vir behoorlike rehabilitasie.

# Die Nasionale Vervolgingsgesag verwelkom die vonnisse van 20 jaar wat twee voormalige veldwagters van die Nasionale Kruger-wildtuin, Lucky Mkanzi and Nzima Joel Sihlangu, opgelê is vir renosterstropery. Die Streekhof op Skukuza in Mpumalanga het die twee skuldig bevind aan sameswering en die stroop van twee renosters in 2018. Die streekswoordvoerder van die NVG, Monica Nyuswa, sê stropery bedreig beskermde spesies en die omgewing en hierdie vonnis stuur ‘n sterk boodskap om die natuurlewe vir toekomstige geslagte te beskerm:

# Die Israelse eerste minister, Benjamin Netanyahu, waarsku Iran dat Israel sal aanval indien dit eerste aangeval word. Hy het aan die Algemene Vergadering van die VN in New York gesê daar is geen plek in Iran of die Midde-Ooste wat Israel nie kan bereik nie. Afgevaardigdes, waaronder die van Libanon en die Palestynse gebiede, het uitgestap toe Netanyahu begin praat het te midde van toejuiging en woedende gille. Netanyahu het gesê na die leuens en beledigings van baie sprekers teen sy land, het hy besluit om feite reg te stel.

# En, Rugby: Baie is vandag op die spel in die laaste ronde van die Rugbykampioenskap. Suid-Afrika benodig net een ligapunt teen Argentinië om die titel die eerste keer sedert 2019 in te palm terwyl die Pumas ʼn bonuspunt-oorwinning moet behaal asook die Springbokke verhinder om ʼn ligapunt te kry om vir die heel eerste keer as kampioene gekroon te word. Indien die All Blacks die Wallabies vanoggend klop kan hulle tweede eindig indien die Bokke vanmiddag wen. Australië sal ongeag die uitslae die houtlepel kry.

Bly ingeskakel vir meer nuus……………….